मिरे ख़ुदा मुझे इतना तो मो'तबर कर दे
मैं जिस मकान में रहता हूँ उस को घर कर दे
ये रौशनी के तआ'क़ुब में भागता हुआ दिन
जो थक गया है तो अब इस को मुख़्तसर कर दे
मैं ज़िंदगी की दुआ माँगने लगा हूँ बहुत
जो हो सके तो दुआओं को बे-असर कर दे
सितारा-ए-सहरी डूबने को आया है
ज़रा कोई मिरे सूरज को बा-ख़बर कर दे
क़बीला-वार कमानें कड़कने वाली हैं
मिरे लहू की गवाही मुझे निडर कर दे
मैं अपने ख़्वाब से कट कर जियूँ तो मेरा ख़ुदा
उजाड़ दे मिरी मिट्टी को दर-ब-दर कर दे
मिरी ज़मीन मिरा आख़िरी हवाला है
सो मैं रहूँ न रहूँ इस को बारवर कर दे
mire ḳhudā mujhe itnā to mo'atabar kar de
maiñ jis makān meñ rahtā huuñ us ko ghar kar de
ye raushnī ke ta.āqub meñ bhāgtā huā din
jo thak gayā hai to ab is ko muḳhtasar kar de
maiñ zindagī kī duā māñgne lagā huuñ bahut
jo ho sake to duāoñ ko be-asar kar de
sitāra-e-saharī Dūbne ko aayā hai
zarā koī mire sūraj ko bā-ḳhabar kar de
qabīla-vār kamāneñ kaḌakne vaalī haiñ
mire lahū kī gavāhī mujhe niDar kar de
maiñ apne ḳhvāb se kaT kar jiyūñ to merā ḳhudā
ujaaḌ de mirī miTTī ko dar-ba-dar kar de
mirī zamīn mirā āḳhirī havāla hai
so maiñ rahūñ na rahūñ is ko bārvar kar de
مرے خدا مجھے اتنا تو معتبر کر دے
میں جس مکان میں رہتا ہوں اس کو گھر کر دے
یہ روشنی کے تعاقب میں بھاگتا ہوا دن
جو تھک گیا ہے تو اب اس کو مختصر کر دے
میں زندگی کی دعا مانگنے لگا ہوں بہت
جو ہو سکے تو دعاؤں کو بے اثر کر دے
ستارۂ سحری ڈوبنے کو آیا ہے
ذرا کوئی مرے سورج کو با خبر کر دے
قبیلہ وار کمانیں کڑکنے والی ہیں
مرے لہو کی گواہی مجھے نڈر کر دے
میں اپنے خواب سے کٹ کر جیوں تو میرا خدا
اجاڑ دے مری مٹی کو در بدر کر دے
مری زمین مرا آخری حوالہ ہے
سو میں رہوں نہ رہوں اس کو بارور کر دے