मिरा यक़ीन कहीं था मिरा गुमान कहीं
मैं खो गया इन्ही दोनों के दरमियान कहीं
सुख़न-तराज़ हुआ हूँ मैं अपने दिल के ख़िलाफ़
चिपक न जाए मिरे नुत्क़ से ज़बान कहीं
इसी लिए तो कभी मुजतमा' न हो पाया
मिरा ज़मान कहीं था मिरा मकान कहीं
मिज़ाज-ए-दहर नहीं ए'तिदाल पर साहिब
चली न जाए मिरे शहर से अमान कहीं
बयान करने लगा हूँ शिकस्तगी दिल की
चला न जाए तिरी सम्त मेरा ध्यान कहीं
कमंद डाल रहा है दिलों पे ख़ौफ़ 'मुनीर'
सिमट न जाए परों में मिरी उड़ान कहीं
mirā yaqīn kahīñ thā mirā gumān kahīñ
maiñ kho gayā inhī donoñ ke darmiyān kahīñ
suḳhan-tarāz huā huuñ maiñ apne dil ke ḳhilāf
chipak na jaa.e mire nutq se zabān kahīñ
isī liye to kabhī mujtama’ na ho paayā
mirā zamān kahīñ thā mirā makān kahīñ
mizāj-e-dahr nahīñ e'tidāl par sāhib
chalī na jaa.e mire shahr se amaan kahīñ
bayān karne lagā huuñ shikastagī dil kī
chalā na jaa.e tirī samt merā dhyān kahīñ
kamand Daal rahā hai diloñ pe ḳhauf 'munīr'
simaT na jaa.e paroñ meñ mirī uḌaan kahīñ
مرا یقین کہیں تھا مرا گمان کہیں
میں کھو گیا انہی دونوں کے درمیان کہیں
سخن طراز ہوا ہوں میں اپنے دل کے خلاف
چپک نہ جائے مرے نطق سے زبان کہیں
اسی لئے تو کبھی مجتمع نہ ہو پایا
مرا زمان کہیں تھا مرا مکان کہیں
مزاج دہر نہیں اعتدال پر صاحب
چلی نہ جائے مرے شہر سے امان کہیں
بیان کرنے لگا ہوں شکستگی دل کی
چلا نہ جائے تری سمت میرا دھیان کہیں
کمند ڈال رہا ہے دلوں پہ خوف منیرؔ
سمٹ نہ جائے پروں میں مری اڑان کہیں