मिरा ख़ामोश रह कर भी उन्हें सब कुछ सुना देना
ज़बाँ से कुछ न कहना देख कर आँसू बहा देना
नशेमन हो न हो ये तो फ़लक का मश्ग़ला ठहरा
कि दो तिनके जहाँ पर देखना बिजली गिरा देना
मैं इस हालत से पहुँचा हश्र वाले ख़ुद पुकार उठ्ठे
कोई फ़रियाद वाला आ रहा है रास्ता देना
इजाज़त हो तो कह दूँ क़िस्सा-ए-उल्फ़त सर-ए-महफ़िल
मुझे कुछ तो फ़साना याद है कुछ तुम सुना देना
मैं मुजरिम हूँ मुझे इक़रार है जुर्म-ए-मोहब्बत का
मगर पहले तो ख़त पर ग़ौर कर लो फिर सज़ा देना
हटा कर रुख़ से गेसू सुब्ह कर देना तो मुमकिन है
मगर सरकार के बस में नहीं तारे छुपा देना
ये तहज़ीब-ए-चमन बदली है बैरूनी हवाओं ने
गरेबाँ-चाक फूलों पर कली का मुस्कुरा देना
'क़मर' वो सब से छुप कर आ रहे हैं फ़ातिहा पढ़ने
कहूँ किस से कि मेरी शम-ए-तुर्बत को बुझा देना
mirā ḳhāmosh rah kar bhī unheñ sab kuchh sunā denā
zabāñ se kuchh na kahnā dekh kar aañsū bahā denā
nasheman ho na ho ye to falak kā mashġhala Thahrā
ki do tinke jahāñ par dekhnā bijlī girā denā
maiñ is hālat se pahuñchā hashr vaale ḳhud pukār uTThe
koī fariyād vaalā aa rahā hai rāsta denā
ijāzat ho to kah duuñ qissa-e-ulfat sar-e-mahfil
mujhe kuchh to fasāna yaad hai kuchh tum sunā denā
maiñ mujrim huuñ mujhe iqrār hai jurm-e-mohabbat kā
magar pahle to ḳhat par ġhaur kar lo phir sazā denā
haTā kar ruḳh se gesū sub.h kar denā to mumkin hai
magar sarkār ke bas meñ nahīñ taare chhupā denā
ye tahzīb-e-chaman badlī hai bairūnī havāoñ ne
garebāñ-chāk phūloñ par kalī kā muskurā denā
'qamar' vo sab se chhup kar aa rahe haiñ fātiha paḌhne
kahūñ kis se ki merī sham-e-turbat ko bujhā denā
مرا خاموش رہ کر بھی انہیں سب کچھ سنا دینا
زباں سے کچھ نہ کہنا دیکھ کر آنسو بہا دینا
نشیمن ہو نہ ہو یہ تو فلک کا مشغلہ ٹھہرا
کہ دو تنکے جہاں پر دیکھنا بجلی گرا دینا
میں اس حالت سے پہنچا حشر والے خود پکار اٹھے
کوئی فریاد والا آ رہا ہے راستہ دینا
اجازت ہو تو کہہ دوں قصۂ الفت سر محفل
مجھے کچھ تو فسانہ یاد ہے کچھ تم سنا دینا
میں مجرم ہوں مجھے اقرار ہے جرم محبت کا
مگر پہلے تو خط پر غور کر لو پھر سزا دینا
ہٹا کر رخ سے گیسو صبح کر دینا تو ممکن ہے
مگر سرکار کے بس میں نہیں تارے چھپا دینا
یہ تہذیب چمن بدلی ہے بیرونی ہواؤں نے
گریباں چاک پھولوں پر کلی کا مسکرا دینا
قمرؔ وہ سب سے چھپ کر آ رہے ہیں فاتحہ پڑھنے
کہوں کس سے کہ میری شمع تربت کو بجھا دینا