मिल मिल के दोस्तों ने वो दी है दग़ा मुझे
अब ख़ुद पे भी नहीं है गुमान-ए-वफ़ा मुझे
उफ़ इब्तिदा-ए-शौक़ की मा'सूम जुस्तुजू
हर फूल था चमन में तिरा नक़्श-ए-पा मुझे
ऐ खिंचने वाले देख मिरी बे-पनाहीयाँ
आती है दुश्मनों से भी बू-ए-वफ़ा मुझे
दुनिया तुम्हें अज़ीज़ है मेरे सिवा मगर
आलम है ना-पसंद तुम्हारे सिवा मुझे
करती नहीं उबूर तुम्हें मेरी जुस्तुजू
क्या कर दिया है तुम ने ये क्या हो गया मुझे
वज़अन भी हँस पड़ा हूँ तो फिर दिल से मुद्दतों
आई कराहने की सदा पर सदा मुझे
फिर बात बात में है लचक इल्तिफ़ात की
क्या फिर दिखाओगे कोई ख़्वाब-ए-वफ़ा मुझे
ये है फ़ुग़ाँ का ज़ोर तो फिर वो चुका क़फ़स
कर देगी मेरी शो'ला-नवाई रिहा मुझे
कोताही-ए-नज़र से अहाता न हो सका
मिलने को यूँ मिला है बुतों में ख़ुदा मुझे
मेरी वफ़ा पे आप ही चीं-बर-जबीं नहीं
मैं ख़ुद भी सोचता हूँ ये क्या हो गया मुझे
जिस मुद्दआ-ए-शौक़ की दरयाफ़्त हैं हुज़ूर
मायूस कर रहा है वही मुद्दआ' मुझे
इक ज़ीक़ इक अज़ाब इक अंदोह इक तड़प
तुम ने ये दिल के नाम से क्या दे दिया मुझे
उन को गँवा के हाल रहा है ये मुद्दतों
आया ख़याल भी तो बड़ा ग़म हुआ मुझे
इफ़्लास के शबाब-ए-मुक़द्दस में बारहा
आया है पूछने मिरे घर पर ख़ुदा मुझे
'एहसान' अपने वक़्त पे मौत आएगी मगर
जीने का मशवरा नहीं देती फ़ज़ा मुझे
mil mil ke dostoñ ne vo dī hai daġhā mujhe
ab ḳhud pe bhī nahīñ hai gumān-e-vafā mujhe
uf ibtidā-e-shauq kī ma.asūm justujū
har phuul thā chaman meñ tirā naqsh-e-pā mujhe
ai khiñchne vaale dekh mirī be-panāhiyāñ
aatī hai dushmanoñ se bhī bū-e-vafā mujhe
duniyā tumheñ aziiz hai mere sivā magar
aalam hai nā-pasand tumhāre sivā mujhe
kartī nahīñ ubuur tumheñ merī justujū
kyā kar diyā hai tum ne ye kyā ho gayā mujhe
vaz.an bhī hañs paḌā huuñ to phir dil se muddatoñ
aa.ī karāhne kī sadā par sadā mujhe
phir baat baat meñ hai lachak iltifāt kī
kyā phir dikhāoge koī ḳhvāb-e-vafā mujhe
ye hai fuġhāñ kā zor to phir vo chukā qafas
kar degī merī sho.ala-navā.ī rihā mujhe
kotāhī-e-nazar se ahāta na ho sakā
milne ko yuuñ milā hai butoñ meñ ḳhudā mujhe
merī vafā pe aap hī chīñ-bar-jabīñ nahīñ
maiñ ḳhud bhī sochtā huuñ ye kyā ho gayā mujhe
jis mudda.ā-e-shauq kī daryāft haiñ huzūr
māyūs kar rahā hai vahī mudda.ā mujhe
ik ziiq ik azaab ik andoh ik taḌap
tum ne ye dil ke naam se kyā de diyā mujhe
un ko gañvā ke haal rahā hai ye muddatoñ
aayā ḳhayāl bhī to baḌā ġham huā mujhe
iflās ke shabāb-e-muqaddas meñ bārhā
aayā hai pūchhne mire ghar par ḳhudā mujhe
'ehsān' apne vaqt pe maut aa.egī magar
jiine kā mashvara nahīñ detī fazā mujhe
مل مل کے دوستوں نے وہ دی ہے دغا مجھے
اب خود پہ بھی نہیں ہے گمان وفا مجھے
اف ابتدائے شوق کی معصوم جستجو
ہر پھول تھا چمن میں ترا نقش پا مجھے
اے کھنچنے والے دیکھ مری بے پناہیاں
آتی ہے دشمنوں سے بھی بوئے وفا مجھے
دنیا تمہیں عزیز ہے میرے سوا مگر
عالم ہے نا پسند تمہارے سوا مجھے
کرتی نہیں عبور تمہیں میری جستجو
کیا کر دیا ہے تم نے یہ کیا ہو گیا مجھے
وضعاً بھی ہنس پڑا ہوں تو پھر دل سے مدتوں
آئی کراہنے کی صدا پر صدا مجھے
پھر بات بات میں ہے لچک التفات کی
کیا پھر دکھاؤ گے کوئی خواب وفا مجھے
یہ ہے فغاں کا زور تو پھر وہ چکا قفس
کر دے گی میری شعلہ نوائی رہا مجھے
کوتاہیٔ نظر سے احاطہ نہ ہو سکا
ملنے کو یوں ملا ہے بتوں میں خدا مجھے
میری وفا پہ آپ ہی چیں بر جبیں نہیں
میں خود بھی سوچتا ہوں یہ کیا ہو گیا مجھے
جس مدعائے شوق کی دریافت ہیں حضور
مایوس کر رہا ہے وہی مدعا مجھے
اک ضیق اک عذاب اک اندوہ اک تڑپ
تم نے یہ دل کے نام سے کیا دے دیا مجھے
ان کو گنوا کے حال رہا ہے یہ مدتوں
آیا خیال بھی تو بڑا غم ہوا مجھے
افلاس کے شباب مقدس میں بارہا
آیا ہے پوچھنے مرے گھر پر خدا مجھے
احسانؔ اپنے وقت پہ موت آئے گی مگر
جینے کا مشورہ نہیں دیتی فضا مجھے