मीठे दो लफ़्ज़ों को हम प्यार समझ लेते हैं
'इश्क़ में ख़ुद को गिरफ़्तार समझ लेते हैं
ताइर-ए-'इश्क़ असीरी को समझते हैं बहार
क़फ़स-ए-'इश्क़ को गुलज़ार समझ लेते हैं
क़िस्सा-ए-'इश्क़ के आग़ाज़ से पहले जानाँ
आओ इक दूजे के किरदार समझ लेते हैं
हीर राँझे की तरह हम भी न धोका खाएँ
कौन है सच्चा तरफ़-दार समझ लेते हैं
शीरीं फ़रहाद सा अंजाम न होने पाए
तोड़ना कैसे है कोहसार समझ लेते हैं
बीच दरिया में नहीं कच्चे घड़े पर मरना
कैसे लगना है हमें पार समझ लेते हैं
संग-बारी की सज़ा लैला-ओ-मजनूँ ने सही
हम न ठहरेंगे सज़ा-वार समझ लेते हैं
'इश्क़-ए-पाकीज़ा को रखना है बचा कर उन से
वो जो यूसुफ़ को गुनहगार समझ लेते हैं
ख़ुद-ग़रज़ लोग जहाँ 'इश्क़ से उक्ता जाएँ
'इश्क़ को जान का आज़ार समझ लेते हैं
रिफ़'अत-ए-फ़न उन्हें क़दमों में पड़ी मिलती है
अपना किरदार जो फ़नकार समझ लेते हैं
हुस्न की देवी का बे-वज्ह मेहरबाँ होना
किसी साधू का चमत्कार समझ लेते हैं
शा'इरी मेरी कहाँ उन को समझ आएगी
ये भला कम है कि अख़बार समझ लेते हैं
दाद देते हैं वही खुल के सुख़नवर को 'सहाब'
जो सुख़न-फ़हमी से अश'आर समझ लेते हैं
mīThe do lafzoñ ko ham pyaar samajh lete haiñ
'ishq meñ ḳhud ko giraftār samajh lete haiñ
tā.ir-e-'ishq asīrī ko samajhte haiñ bahār
qafas-e-'ishq ko gulzār samajh lete haiñ
qissa-e-'ishq ke āġhāz se pahle jānāñ
aao ik duuje ke kirdār samajh lete haiñ
hiir rāñjhe kī tarah ham bhī na dhokā khā.eñ
kaun hai sachchā taraf-dār samajh lete haiñ
shīrīñ farhād sā anjām na hone paa.e
toḌnā kaise hai kohsār samajh lete haiñ
biich dariyā meñ nahīñ kachche ghaḌe par marnā
kaise lagnā hai hameñ paar samajh lete haiñ
sang-bārī kī sazā lailā-o-majnūñ ne sahī
ham na Thahreñge sazā-vār samajh lete haiñ
'ishq-e-pākīza ko rakhnā hai bachā kar un se
vo jo yūsuf ko gunahgār samajh lete haiñ
ḳhud-ġharaz log jahāñ 'ishq se uktā jaa.eñ
'ishq ko jaan kā āzār samajh lete haiñ
rif'at-e-fan unheñ qadmoñ meñ paḌī miltī hai
apnā kirdār jo fankār samajh lete haiñ
husn kī devī kā be-vaj.h meherbāñ honā
kisī sādhū kā chamatkār samajh lete haiñ
shā'irī merī kahāñ un ko samajh aa.egī
ye bhalā kam hai ki aḳhbār samajh lete haiñ
daad dete haiñ vahī khul ke suḳhanvar ko 'sahāb'
jo suḳhan-fahmī se ash'ār samajh lete haiñ
میٹھے دو لفظوں کو ہم پیار سمجھ لیتے ہیں
عشق میں خود کو گرفتار سمجھ لیتے ہیں
طائر عشق اسیری کو سمجھتے ہیں بہار
قفس عشق کو گلزار سمجھ لیتے ہیں
قصۂ عشق کے آغاز سے پہلے جاناں
آؤ اک دوجے کے کردار سمجھ لیتے ہیں
ہیر رانجھے کی طرح ہم بھی نہ دھوکا کھائیں
کون ہے سچا طرفدار سمجھ لیتے ہیں
شیریں فرہاد سا انجام نہ ہونے پائے
توڑنا کیسے ہے کہسار سمجھ لیتے ہیں
بیچ دریا میں نہیں کچے گھڑے پر مرنا
کیسے لگنا ہے ہمیں پار سمجھ لیتے ہیں
سنگ باری کی سزا لیلیٰ و مجنوں نے سہی
ہم نہ ٹھہریں گے سزا وار سمجھ لیتے ہیں
عشق پاکیزہ کو رکھنا ہے بچا کر ان سے
وہ جو یوسف کو گنہ گار سمجھ لیتے ہیں
خود غرض لوگ جہاں عشق سے اکتا جائیں
عشق کو جان کا آزار سمجھ لیتے ہیں
رفعت فن انہیں قدموں میں پڑی ملتی ہے
اپنا کردار جو فنکار سمجھ لیتے ہیں
حسن کی دیوی کا بے وجہ مہرباں ہونا
کسی سادھو کا چمتکار سمجھ لیتے ہیں
شاعری میری کہاں ان کو سمجھ آئے گی
یہ بھلا کم ہے کہ اخبار سمجھ لیتے ہیں
داد دیتے ہیں وہی کھل کے سخنور کو سحابؔ
جو سخن فہمی سے اشعار سمجھ لیتے ہیں