मेरे लब पर हँसी जो आई है
वो भी अपनी नहीं पराई है
क्या भरोसा करे वो फूलों पर
जिस ने ख़ुशबू से चोट खाई है
मान ली हार उस ने बादल से
ये तो सूरज की जग-हँसाई है
बंद हैं सारी खिड़कियाँ घर की
ऐ हवा तू किधर से आई है
बिजलियों को सज़ा न दे बादल
आग तो बर्फ़ ने लगाई है
क्या किसी को दिखाए मुँह तूफ़ाँ
मात उस ने दिए से खाई है
ऐ ज़मीं तू न कूदना इस में
चाँद सूरज की वो लड़ाई है
प्यास से बात तक न की उस ने
ये तो दरिया की कज-अदाई है
ऐ 'क़मर' मेरी एक एक ग़ज़ल
मेरे तख़्ईल की कमाई है
mere lab par hañsī jo aa.ī hai
vo bhī apnī nahīñ parā.ī hai
kyā bharosa kare vo phūloñ par
jis ne ḳhushbū se choT khaa.ī hai
maan lī haar us ne bādal se
ye to sūraj kī jag-hañsā.ī hai
band haiñ saarī khiḌkiyāñ ghar kī
ai havā tū kidhar se aa.ī hai
bijliyoñ ko sazā na de bādal
aag to barf ne lagā.ī hai
kyā kisī ko dikhā.e muñh tūfāñ
maat us ne diye se khaa.ī hai
ai zamīñ tū na kūdnā is meñ
chāñd sūraj kī vo laḌā.ī hai
pyaas se baat tak na kī us ne
ye to dariyā kī kaj-adā.ī hai
ai 'qamar' merī ek ek ġhazal
mere taḳh.īl kī kamā.ī hai
میرے لب پر ہنسی جو آئی ہے
وہ بھی اپنی نہیں پرائی ہے
کیا بھروسہ کرے وہ پھولوں پر
جس نے خوشبو سے چوٹ کھائی ہے
مان لی ہار اس نے بادل سے
یہ تو سورج کی جگ ہنسائی ہے
بند ہیں ساری کھڑکیاں گھر کی
اے ہوا تو کدھر سے آئی ہے
بجلیوں کو سزا نہ دے بادل
آگ تو برف نے لگائی ہے
کیا کسی کو دکھائے منہ طوفاں
مات اس نے دیے سے کھائی ہے
اے زمیں تو نہ کودنا اس میں
چاند سورج کی وہ لڑائی ہے
پیاس سے بات تک نہ کی اس نے
یہ تو دریا کی کج ادائی ہے
اے قمرؔ میری ایک ایک غزل
میرے تخئیل کی کمائی ہے