चाँद निकलेगा तो घर घर में उजाले होंगे
चाँदनी रात में सब रौशनी वाले होंगे
मंज़िल-ए-शौक़ पे चमकेंगे जो मोती की तरह
वो मुसाफ़िर के थके पाँव के छाले होंगे
होते लबरेज़ तो रह रह के छलकते कैसे
दर-हक़ीक़त वो सभी ख़ाली पियाले होंगे
ख़ून जिस वक़्त सियाही से भी सस्ता होगा
ख़ून से छापे हुए ग़म के रिसाले होंगे
आप के पीछे वही लोग पड़ेंगे इक दिन
आप बरसों जिन्हें आग़ोश में पाले होंगे
तुम जो नफ़रत की सियाही से लिखोगे तारीख़
उस के अल्फ़ाज़ भी सफ़्हात भी काले होंगे
मस्लहत थी कि बरस पाए न काले बादल
चर्ख़ ने फ़ैसले कुछ सोच के टाले होंगे
झूट को झूट 'क़मर' कौन करेगा साबित
हक़-परस्तों की ज़बानों पे जो ताले होंगे
chāñd niklegā to ghar ghar meñ ujāle hoñge
chāñdnī raat meñ sab raushnī vaale hoñge
manzil-e-shauq pe chamkeñge jo motī kī tarah
vo musāfir ke thake paañv ke chhāle hoñge
hote labrez to rah rah ke chhalakte kaise
dar-haqīqat vo sabhī ḳhālī piyāle hoñge
ḳhuun jis vaqt siyāhī se bhī sastā hogā
ḳhuun se chhāpe hue ġham ke risāle hoñge
aap ke pīchhe vahī log paḌeñge ik din
aap barsoñ jinheñ āġhosh meñ paale hoñge
tum jo nafrat kī siyāhī se likhoge tārīḳh
us ke alfāz bhī safhāt bhī kaale hoñge
maslahat thī ki baras paa.e na kaale bādal
charḳh ne faisle kuchh soch ke Taale hoñge
jhuuT ko jhuuT 'qamar' kaun karegā sābit
haq-parastoñ kī zabānoñ pe jo taale hoñge
چاند نکلے گا تو گھر گھر میں اجالے ہوں گے
چاندنی رات میں سب روشنی والے ہوں گے
منزل شوق پہ چمکیں گے جو موتی کی طرح
وہ مسافر کے تھکے پاؤں کے چھالے ہوں گے
ہوتے لبریز تو رہ رہ کے چھلکتے کیسے
در حقیقت وہ سبھی خالی پیالے ہوں گے
خون جس وقت سیاہی سے بھی سستا ہوگا
خون سے چھاپے ہوئے غم کے رسالے ہوں گے
آپ کے پیچھے وہی لوگ پڑیں گے اک دن
آپ برسوں جنہیں آغوش میں پالے ہوں گے
تم جو نفرت کی سیاہی سے لکھو گے تاریخ
اس کے الفاظ بھی صفحات بھی کالے ہوں گے
مصلحت تھی کہ برس پائے نہ کالے بادل
چرخ نے فیصلے کچھ سوچ کے ٹالے ہوں گے
جھوٹ کو جھوٹ قمرؔ کون کرے گا ثابت
حق پرستوں کی زبانوں پہ جو تالے ہوں گے