मौसम-ए-गुल में भी गुल नज़्र-ए-ख़िज़ाँ हैं सारे
मुतमइन कोई नहीं महव-ए-फ़ुग़ाँ हैं सारे
होश-मंदी से क़दम आगे बढ़ाओ लोगो
अपनी जानिब ही खिंचे तीर-ओ-कमाँ हैं सारे
चहचहाने की सदा आई थी कल तक जिन से
जाने क्यों आज वो ख़ामोश मकाँ हैं सारे
सिर्फ़ दीवार की ऊँचाई नज़र आती है
ऐ मिरे शहर मिरे लोग कहाँ हैं सारे
अब ख़ुदा ख़ैर करे क़ाफ़िला वालों की मिरे
खोए खोए हुए मंज़िल के निशाँ हैं सारे
कितना धुँदला दिया हालात ने तुम को 'शौकी'
जिन को तुम अब्र समझते हो धुआँ हैं सारे
mausam-e-gul meñ bhī gul nazr-e-ḳhizāñ haiñ saare
mutma.in koī nahīñ mahv-e-fuġhāñ haiñ saare
hosh-mandī se qadam aage baḌhāo logo
apnī jānib hī khiñche tīr-o-kamāñ haiñ saare
chahchahāne kī sadā aa.ī thī kal tak jin se
jaane kyoñ aaj vo ḳhāmosh makāñ haiñ saare
sirf dīvār kī ūñchā.ī nazar aatī hai
ai mire shahr mire log kahāñ haiñ saare
ab ḳhudā ḳhair kare qāfila vāloñ kī mire
kho.e kho.e hue manzil ke nishāñ haiñ saare
kitnā dhuñdlā diyā hālāt ne tum ko 'shauqī'
jin ko tum abr samajhte ho dhuāñ haiñ saare
موسم گل میں بھی گل نذر خزاں ہیں سارے
مطمئن کوئی نہیں محو فغاں ہیں سارے
ہوشمندی سے قدم آگے بڑھاؤ لوگو
اپنی جانب ہی کھنچے تیر و کماں ہیں سارے
چہچہانے کی صدا آئی تھی کل تک جن سے
جانے کیوں آج وہ خاموش مکاں ہیں سارے
صرف دیوار کی اونچائی نظر آتی ہے
اے مرے شہر مرے لوگ کہاں ہیں سارے
اب خدا خیر کرے قافلہ والوں کی مرے
کھوئے کھوئے ہوئے منزل کے نشاں ہیں سارے
کتنا دھندلا دیا حالات نے تم کو شوقیؔ
جن کو تم ابر سمجھتے ہو دھواں ہیں سارے