मत बुरा उस को कहो गरचे वो अच्छा भी नहीं
वो न होता तो ग़ज़ल मैं कभी कहता भी नहीं
जानता था कि सितमगर है मगर क्या कीजे
दिल लगाने के लिए और कोई था भी नहीं
जैसा बे-दर्द हो वो फिर भी ये जैसा महबूब
ऐसा कोई न हुआ और कोई होगा भी नहीं
वही होगा जो हुआ है जो हुआ करता है
मैं ने इस प्यार का अंजाम तो सोचा भी नहीं
हाए क्या दिल है कि लेने के लिए जाता है
उस से पैमान-ए-वफ़ा जिस पे भरोसा भी नहीं
बारहा गुफ़्तुगू होती रही लेकिन मिरा नाम
उस ने पूछा भी नहीं मैं ने बताया भी नहीं
तोहफ़ा ज़ख़्मों का मुझे भेज दिया करता है
मुझ से नाराज़ है लेकिन मुझे भूला भी नहीं
दोस्ती उस से निबह जाए बहुत मुश्किल है
मेरा तो वा'दा है उस का तो इरादा भी नहीं
मेरे अशआर वो सुन सुन के मज़े लेता रहा
मैं उसी से हूँ मुख़ातिब वो ये समझा भी नहीं
मेरे वो दोस्त मुझे दाद-ए-सुख़न क्या देंगे
जिन के दिल का कोई हिस्सा ज़रा टूटा भी नहीं
मुझ को बनना पड़ा शाइ'र कि मैं अदना ग़म-ए-दिल
ज़ब्त भी कर न सका फूट के रोया भी नहीं
शाइरी जैसी हो 'आजिज़' की भली हो कि बुरी
आदमी अच्छा है लेकिन बहुत अच्छा भी नहीं
mat burā us ko kaho garche vo achchhā bhī nahīñ
vo na hotā to ġhazal maiñ kabhī kahtā bhī nahīñ
jāntā thā ki sitamgar hai magar kyā kiije
dil lagāne ke liye aur koī thā bhī nahīñ
jaisā be-dard ho vo phir bhī ye jaisā mahbūb
aisā koī na huā aur koī hogā bhī nahīñ
vahī hogā jo huā hai jo huā kartā hai
maiñ ne is pyaar kā anjām to sochā bhī nahīñ
haa.e kyā dil hai ki lene ke liye jaatā hai
us se paimān-e-vafā jis pe bharosā bhī nahīñ
bārhā guftugū hotī rahī lekin mirā naam
us ne pūchhā bhī nahīñ maiñ ne batāyā bhī nahīñ
tohfa zaḳhmoñ kā mujhe bhej diyā kartā hai
mujh se nārāz hai lekin mujhe bhūlā bhī nahīñ
dostī us se nibah jaa.e bahut mushkil hai
merā to va.ada hai us kā to irāda bhī nahīñ
mere ash.ār vo sun sun ke maze letā rahā
maiñ usī se huuñ muḳhātib vo ye samjhā bhī nahīñ
mere vo dost mujhe dād-e-suḳhan kyā deñge
jin ke dil kā koī hissa zarā TuuTā bhī nahīñ
mujh ko banñā paḌā shā.ir ki maiñ adnā ġham-e-dil
zabt bhī kar na sakā phuuT ke royā bhī nahīñ
shā.irī jaisī ho 'ājiz' kī bhalī ho ki burī
aadmī achchhā hai lekin bahut achchhā bhī nahīñ
مت برا اس کو کہو گرچہ وہ اچھا بھی نہیں
وہ نہ ہوتا تو غزل میں کبھی کہتا بھی نہیں
جانتا تھا کہ ستم گر ہے مگر کیا کیجے
دل لگانے کے لیے اور کوئی تھا بھی نہیں
جیسا بے درد ہو وہ پھر بھی یہ جیسا محبوب
ایسا کوئی نہ ہوا اور کوئی ہوگا بھی نہیں
وہی ہوگا جو ہوا ہے جو ہوا کرتا ہے
میں نے اس پیار کا انجام تو سوچا بھی نہیں
ہائے کیا دل ہے کہ لینے کے لیے جاتا ہے
اس سے پیمان وفا جس پہ بھروسا بھی نہیں
بارہا گفتگو ہوتی رہی لیکن مرا نام
اس نے پوچھا بھی نہیں میں نے بتایا بھی نہیں
تحفہ زخموں کا مجھے بھیج دیا کرتا ہے
مجھ سے ناراض ہے لیکن مجھے بھولا بھی نہیں
دوستی اس سے نبہ جائے بہت مشکل ہے
میرا تو وعدہ ہے اس کا تو ارادہ بھی نہیں
میرے اشعار وہ سن سن کے مزے لیتا رہا
میں اسی سے ہوں مخاطب وہ یہ سمجھا بھی نہیں
میرے وہ دوست مجھے داد سخن کیا دیں گے
جن کے دل کا کوئی حصہ ذرا ٹوٹا بھی نہیں
مجھ کو بننا پڑا شاعر کہ میں ادنیٰ غم دل
ضبط بھی کر نہ سکا پھوٹ کے رویا بھی نہیں
شاعری جیسی ہو عاجزؔ کی بھلی ہو کہ بری
آدمی اچھا ہے لیکن بہت اچھا بھی نہیں