मरीज़-ए-मोहब्बत उन्हीं का फ़साना सुनाता रहा दम निकलते निकलते
मगर ज़िक्र शाम-ए-अलम का जब आया चराग़-ए-सहर बुझ गया जलते जलते
उन्हें ख़त में लिक्खा था दिल मुज़्तरिब है जवाब उन का आया मोहब्बत न करते
तुम्हें दिल लगाने को किस ने कहा था बहल जाएगा दिल बहलते बहलते
मुझे अपने दिल की तो पर्वा नहीं है मगर डर रहा हूँ कि बचपन की ज़िद है
कहीं पा-ए-नाज़ुक में मोच आ न जाए दिल-ए-सख़्त-जाँ को मसलते मसलते
भला कोई वा'दा-ख़िलाफ़ी की हद है हिसाब अपने दिल में लगा कर तो सोचो
क़यामत का दिन आ गया रफ़्ता रफ़्ता मुलाक़ात का दिन बदलते बदलते
इरादा था तर्क-ए-मोहब्बत का लेकिन फ़रेब-ए-तबस्सुम में फिर आ गए हम
अभी खा के ठोकर सँभलने न पाए कि फिर खाई ठोकर सँभलते सँभलते
बस अब सब्र कर रहरव-ए-राह-ए-उल्फ़त कि तेरे मुक़द्दर में मंज़िल नहीं है
उधर सामने सर पे शाम आ रही है इधर थक गए पाँव भी चलते चलते
वो मेहमान मेरे हुए भी तो कब तक हुई शम' गुल और न डूबे सितारे
'क़मर' इस क़दर उन को जल्दी थी घर की कि घर चल दिए चाँदनी ढलते ढलते
marīz-e-mohabbat unhīñ kā fasāna sunātā rahā dam nikalte nikalte
magar zikr shām-e-alam kā jab aayā charāġh-e-sahar bujh gayā jalte jalte
unheñ ḳhat meñ likkhā thā dil muztarib hai javāb un kā aayā mohabbat na karte
tumheñ dil lagāne ko kis ne kahā thā bahal jā.egā dil bahalte bahalte
mujhe apne dil kī to parvā nahīñ hai magar Dar rahā huuñ ki bachpan kī zid hai
kahīñ pā-e-nāzuk meñ moch aa na jaa.e dil-e-saḳht-jāñ ko masalte masalte
bhalā koī vā'da-ḳhilāfī kī had hai hisāb apne dil meñ lagā kar to socho
qayāmat kā din aa gayā rafta rafta mulāqāt kā din badalte badalte
irāda thā tark-e-mohabbat kā lekin fareb-e-tabassum meñ phir aa ga.e ham
abhī khā ke Thokar sañbhalne na paa.e ki phir khaa.ī Thokar sañbhalte sañbhalte
bas ab sabr kar rahrav-e-rāh-e-ulfat ki tere muqaddar meñ manzil nahīñ hai
udhar sāmne sar pe shaam aa rahī hai idhar thak ga.e paañv bhī chalte chalte
vo mehmān mere hue bhī to kab tak huī sham' gul aur na Duube sitāre
'qamar' is qadar un ko jaldī thī ghar kī ki ghar chal diye chāñdnī Dhalte Dhalte
مریض محبت انہیں کا فسانہ سناتا رہا دم نکلتے نکلتے
مگر ذکر شام الم کا جب آیا چراغ سحر بجھ گیا جلتے جلتے
انہیں خط میں لکھا تھا دل مضطرب ہے جواب ان کا آیا محبت نہ کرتے
تمہیں دل لگانے کو کس نے کہا تھا بہل جائے گا دل بہلتے بہلتے
مجھے اپنے دل کی تو پروا نہیں ہے مگر ڈر رہا ہوں کہ بچپن کی ضد ہے
کہیں پائے نازک میں موچ آ نہ جائے دل سخت جان کو مسلتے مسلتے
بھلا کوئی وعدہ خلافی کی حد ہے حساب اپنے دل میں لگا کر تو سوچو
قیامت کا دن آ گیا رفتہ رفتہ ملاقات کا دن بدلتے بدلتے
ارادہ تھا ترک محبت کا لیکن فریب تبسم میں پھر آ گئے ہم
ابھی کھا کے ٹھوکر سنبھلنے نہ پائے کہ پھر کھائی ٹھوکر سنبھلتے سنبھلتے
بس اب صبر کر رہرو راہ الفت کہ تیرے مقدر میں منزل نہیں ہے
ادھر سامنے سر پہ شام آ رہی ہے ادھر تھک گئے پاؤں بھی چلتے چلتے
وہ مہمان میرے ہوئے بھی تو کب تک ہوئی شمع گل اور نہ ڈوبے ستارے
قمرؔ اس قدر ان کو جلدی تھی گھر کی کہ گھر چل دئے چاندنی ڈھلتے ڈھلتے