मर भी जाऊँ तो कहाँ लोग भुला ही देंगे
लफ़्ज़ मेरे मिरे होने की गवाही देंगे
लोग थर्रा गए जिस वक़्त मुनादी आई
आज पैग़ाम नया ज़िल्ल-ए-इलाही देंगे
झोंके कुछ ऐसे थपकते हैं गुलों के रुख़्सार
जैसे इस बार तो पत-झड़ से बचा ही देंगे
हम वो शब-ज़ाद कि सूरज की 'इनायात में भी
अपने बच्चों को फ़क़त कोर-निगाही देंगे
आस्तीं साँपों की पहनेंगे गले में माला
अहल-ए-कूफ़ा को नई शहर-पनाही देंगे
शहर की चाबियाँ आ'दा के हवाले कर के
तोहफ़तन फिर उन्हें मक़्तूल सिपाही देंगे
mar bhī jā.ūñ to kahāñ log bhulā hī deñge
lafz mere mire hone kī gavāhī deñge
log tharrā gaye jis vaqt munādī aa.ī
aaj paiġhām nayā zill-e-ilāhī deñge
jhoñke kuchh aise thapakte haiñ guloñ ke ruḳhsār
jaise is baar to pat-jhaḌ se bachā hī deñge
ham vo shab-zād ki sūraj kī 'ināyāt meñ bhī
apne bachchoñ ko faqat kor-nigāhī deñge
āstīñ sāñpoñ kī pahneñge gale meñ maalā
ahl-e-kūfa ko na.ī shahr-panāhī deñge
shahr kī chābiyāñ aa'dā ke havāle kar ke
tohfatan phir unheñ maqtūl sipāhī deñge
مر بھی جاؤں تو کہاں لوگ بھلا ہی دیں گے
لفظ میرے مرے ہونے کی گواہی دیں گے
لوگ تھرا گئے جس وقت منادی آئی
آج پیغام نیا ظل الٰہی دیں گے
جھونکے کچھ ایسے تھپکتے ہیں گلوں کے رخسار
جیسے اس بار تو پت جھڑ سے بچا ہی دیں گے
ہم وہ شب زاد کہ سورج کی عنایات میں بھی
اپنے بچوں کو فقط کور نگاہی دیں گے
آستیں سانپوں کی پہنیں گے گلے میں مالا
اہل کوفہ کو نئی شہر پناہی دیں گے
شہر کی چابیاں اعدا کے حوالے کر کے
تحفتاً پھر انہیں مقتول سپاہی دیں گے