मंज़र रोज़ बदल देता हूँ अपनी नर्म-ख़याली से
शाम शफ़क़ में ढल जाती है रंग-ए-हिना की लाली से
तुझ से बिछड़ कर ज़िंदा रहना अपने सोग में जीना है
दिल इक फूल था ख़ुश्बू वाला टूट गया है डाली से
शहर-ए-तरब को जाने किस की नज़र लगी है आज की शब
रस्ते भी वीरान पड़े हैं घर लगते हैं ख़ाली से
दुनिया वाले जिस को अक्सर रोना-धोना कहते हैं
आँखें दरिया बन जाती है जज़्बों की सय्याली से
धूल-भरे रस्तों के सफ़र ने तर्ज़-ए-फ़िक्र बदल डाला
ख़ौफ़-ज़दा सी रहने लगी है ख़ाक-ए-बदन पामाली से
manzar roz badal detā huuñ apnī narm-ḳhayālī se
shaam shafaq meñ Dhal jaatī hai rañg-e-hinā kī laalī se
tujh se bichhaḌ kar zinda rahnā apne sog meñ jiinā hai
dil ik phuul thā ḳhushbū vaalā TuuT gayā hai Daalī se
shahr-e-tarab ko jaane kis kī nazar lagī hai aaj kī shab
raste bhī vīrān paḌe haiñ ghar lagte haiñ ḳhālī se
duniyā vaale jis ko aksar ronā-dhonā kahte haiñ
āñkheñ dariyā ban jaatī hai jazboñ kī sayyālī se
dhūl-bhare rastoñ ke safar ne tarz-e-fikr badal Daalā
ḳhauf-zada sī rahne lagī hai ḳhāk-e-badan pāmālī se
منظر روز بدل دیتا ہوں اپنی نرم خیالی سے
شام شفق میں ڈھل جاتی ہے رنگ حنا کی لالی سے
تجھ سے بچھڑ کر زندہ رہنا اپنے سوگ میں جینا ہے
دل اک پھول تھا خوشبو والا ٹوٹ گیا ہے ڈالی سے
شہر طرب کو جانے کس کی نظر لگی ہے آج کی شب
رستے بھی ویران پڑے ہیں گھر لگتے ہیں خالی سے
دنیا والے جس کو اکثر رونا دھونا کہتے ہیں
آنکھیں دریا بن جاتی ہے جذبوں کی سیالی سے
دھول بھرے رستوں کے سفر نے طرز فکر بدل ڈالا
خوف زدہ سی رہنے لگی ہے خاک بدن پامالی سے