मैं ज़िंदगी का नक़्शा तरतीब दे रहा हूँ
फिर इक जदीद ख़ाका तरतीब दे रहा हूँ
हर साज़ का तरन्नुम यकसानियत-नुमा है
इक ताज़ा-कार नग़्मा तरतीब दे रहा हूँ
जिस में तिरी तजल्ली ख़ुद आ के जा-गुज़ीं हो
दिल में इक ऐसा गोशा तरतीब दे रहा हूँ
लम्हों के सिलसिले में जीता रहा हूँ लेकिन
मैं अपना ख़ास लम्हा तरतीब दे रहा हूँ
कितने अजीब क़िस्से लिक्खे गए अभी तक
मैं भी अनोखा क़िस्सा तरतीब दे रहा हूँ
ज़र्रों का है ये तूफ़ाँ बे-चेहरगी ब-दामाँ
ज़र्रों से एक चेहरा तरतीब दे रहा हूँ
दुनिया के सारे रिश्ते बे-मअ'नी लग रहे हैं
ख़ालिक़ से अपना रिश्ता तरतीब दे रहा हूँ
पुर-पेच रास्तों पर चलता हुआ 'ज़फ़र' मैं
सीधा सा एक रस्ता तरतीब दे रहा हूँ
maiñ zindagī kā naqsha tartīb de rahā huuñ
phir ik jadīd ḳhāka tartīb de rahā huuñ
har saaz kā tarannum yaksāniyat-numā hai
ik tāza-kār naġhma tartīb de rahā huuñ
jis meñ tirī tajallī ḳhud aa ke jā-guzīñ ho
dil meñ ik aisā gosha tartīb de rahā huuñ
lamhoñ ke silsile meñ jiitā rahā huuñ lekin
maiñ apnā ḳhaas lamha tartīb de rahā huuñ
kitne ajiib qisse likkhe ga.e abhī tak
maiñ bhī anokhā qissa tartīb de rahā huuñ
zarroñ kā hai ye tūfāñ be-chehragī ba-dāmāñ
zarroñ se ek chehra tartīb de rahā huuñ
duniyā ke saare rishte be-ma.anī lag rahe haiñ
ḳhāliq se apnā rishta tartīb de rahā huuñ
pur-pech rāstoñ par chaltā huā 'zafar' maiñ
sīdhā sā ek rasta tartīb de rahā huuñ
میں زندگی کا نقشہ ترتیب دے رہا ہوں
پھر اک جدید خاکہ ترتیب دے رہا ہوں
ہر ساز کا ترنم یکسانیت نما ہے
اک تازہ کار نغمہ ترتیب دے رہا ہوں
جس میں تری تجلی خود آ کے جا گزیں ہو
دل میں اک ایسا گوشہ ترتیب دے رہا ہوں
لمحوں کے سلسلے میں جیتا رہا ہوں لیکن
میں اپنا خاص لمحہ ترتیب دے رہا ہوں
کتنے عجیب قصے لکھے گئے ابھی تک
میں بھی انوکھا قصہ ترتیب دے رہا ہوں
ذروں کا ہے یہ طوفاں بے چہرگی بداماں
ذروں سے ایک چہرہ ترتیب دے رہا ہوں
دنیا کے سارے رشتے بے معنی لگ رہے ہیں
خالق سے اپنا رشتہ ترتیب دے رہا ہوں
پر پیچ راستوں پر چلتا ہوا ظفرؔ میں
سیدھا سا ایک رستہ ترتیب دے رہا ہوں