क्यूँ मैं हाइल हो जाता हूँ अपनी ही तन्हाई में
वर्ना इक पुर-लुत्फ़ समाँ है ख़ुद अपनी गहराई में
फ़ितरत ने अता की है बे-शक मुझ को भी कुछ अक़्ल-ए-सलीम
कौन ख़लल-अंदाज़ हुआ है मेरी हर दानाई में
झूट की नमकीनी से बातों में आ जाता है मज़ा
कोई नहीं लेता दिलचस्पी फीकी सी सच्चाई में
अपने थे बेगाने थे और आख़िर में ख़ुद मेरी ज़ात
किस किस का इकराम हुआ है कितना मिरी रुस्वाई में
बदले बदले लगते हो है चेहरे पर अंजाना-पन
या वक़्त के हाथों फ़र्क़ आया मेरी ही बीनाई में
सुनने वालों के चेहरों पर सुर्ख़ लकीरों के हैं निशाँ
ख़ूनी सोचों की आमेज़िश है नग़मों की शहनाई में
सब क़द्रें पामाल हुईं इंसाँ ने ख़ुद को मस्ख़ किया
क़ुदरत ने कितनी मेहनत की थी अपनी बज़्म-आराई में
अपनी आगाही की उन को होती नहीं तौफ़ीक़ कभी
लोग ख़ुदा को ढूँड रहे हैं आफ़ाक़ी पहनाई में
दुनिया की दानिश-गाहों में आज अजब इक बहस छिड़ी
कौन भरोसे के क़ाबिल है आक़िल और सौदाई में
जाने किस किरदार की काई मेरे घर में आ पहुँची
अब तो 'ज़फ़र' चलना है मुश्किल आँगन की चिकनाई में
kyuuñ maiñ haa.il ho jaatā huuñ apnī hī tanhā.ī meñ
varna ik pur-lutf samāñ hai ḳhud apnī gahrā.ī meñ
fitrat ne atā kī hai be-shak mujh ko bhī kuchh aqal-e-salīm
kaun ḳhalal-andāz huā hai merī har dānā.ī meñ
jhuuT kī namkīnī se bātoñ meñ aa jaatā hai mazā
koī nahīñ letā dilchaspī phīkī sī sachchā.ī meñ
apne the begāne the aur āḳhir meñ ḳhud merī zaat
kis kis kā ikrām huā hai kitnā mirī rusvā.ī meñ
badle badle lagte ho hai chehre par anjānā-pan
yā vaqt ke hāthoñ farq aayā merī hī bīnā.ī meñ
sunñe vāloñ ke chehroñ par surḳh lakīroñ ke haiñ nishāñ
ḳhūnī sochoñ kī āmezish hai naġhmoñ kī shahnā.ī meñ
sab qadreñ pāmāl huiiñ insāñ ne ḳhud ko masḳh kiyā
qudrat ne kitnī mehnat kī thī apnī bazm-ārā.ī meñ
apnī āgāhī kī un ko hotī nahīñ taufīq kabhī
log ḳhudā ko DhūñD rahe haiñ āfāqī pahnā.ī meñ
duniyā kī dānish-gāhoñ meñ aaj ajab ik bahas chhiḌī
kaun bharose ke qābil hai aaqil aur saudā.ī meñ
jaane kis kirdār kī kaa.ī mere ghar meñ aa pahuñchī
ab to 'zafar' chalnā hai mushkil āñgan kī chiknā.ī meñ
کیوں میں حائل ہو جاتا ہوں اپنی ہی تنہائی میں
ورنہ اک پر لطف سماں ہے خود اپنی گہرائی میں
فطرت نے عطا کی ہے بے شک مجھ کو بھی کچھ عقل سلیم
کون خلل انداز ہوا ہے میری ہر دانائی میں
جھوٹ کی نمکینی سے باتوں میں آ جاتا ہے مزا
کوئی نہیں لیتا دلچسپی پھیکی سی سچائی میں
اپنے تھے بیگانے تھے اور آخر میں خود میری ذات
کس کس کا اکرام ہوا ہے کتنا مری رسوائی میں
بدلے بدلے لگتے ہو ہے چہرے پر انجانا پن
یا وقت کے ہاتھوں فرق آیا میری ہی بینائی میں
سننے والوں کے چہروں پر سرخ لکیروں کے ہیں نشاں
خونی سوچوں کی آمیزش ہے نغموں کی شہنائی میں
سب قدریں پامال ہوئیں انساں نے خود کو مسخ کیا
قدرت نے کتنی محنت کی تھی اپنی بزم آرائی میں
اپنی آگاہی کی ان کو ہوتی نہیں توفیق کبھی
لوگ خدا کو ڈھونڈ رہے ہیں آفاقی پہنائی میں
دنیا کی دانش گاہوں میں آج عجب اک بحث چھڑی
کون بھروسے کے قابل ہے عاقل اور سودائی میں
جانے کس کردار کی کائی میرے گھر میں آ پہنچی
اب تو ظفرؔ چلنا ہے مشکل آنگن کی چکنائی میں