झील में उस का पैकर देखा जैसे शोला पानी में
ज़ुल्फ़ की लहरें पेचाँ जैसे नाग हो लपका पानी में
चाँदनी शब में उस के पीछे जब मैं उतरा पानी में
चाँदी और सीमाब लगा था पिघला पिघला पानी में
कितने रंग की मछलियाँ आईं ललचाती और बल खाती
क़तरा क़तरा मेरी रगों से ख़ून जो टपका पानी में
रौशन रौशन रंग निराले कैसे नादिर कितने हबाब
क़ुल्ज़ुम-ए-हस्ती रक़्स में था या एक तमाशा पानी में
एक क़लंदर ढूँड रहा था चाँद सितारों में जा कर
उस का ख़ुदा तो पोशीदा था अन्क़ा जैसा पानी में
मुझ को ये महसूस हुआ था अपने अहद का ख़िज़्र हूँ मैं
चुपके चुपके जब भी मैं ने ख़िज़्र को ढूँडा पानी में
आलाइश दाग़ों से भरा ये तेरा बदन इक रोज़ 'ज़फ़र'
रहमत की घटा जब बरसी थी तो साफ़ हुआ था पानी में
jhiil meñ us kā paikar dekhā jaise shola paanī meñ
zulf kī lahreñ pechāñ jaise naag ho lapkā paanī meñ
chāndnī shab meñ us ke pīchhe jab maiñ utrā paanī meñ
chāñdī aur sīmāb lagā thā pighlā pighlā paanī meñ
kitne rañg kī machhliyāñ aa.iiñ lalchātī aur bal khātī
qatra qatra merī ragoñ se ḳhuun jo Tapkā paanī meñ
raushan raushan rañg nirāle kaise nādir kitne habāb
qulzum-e-hastī raqs meñ thā yā ek tamāshā paanī meñ
ek qalandar DhūñD rahā thā chāñd sitāroñ meñ jā kar
us kā ḳhudā to poshīda thā anqā jaisā paanī meñ
mujh ko ye mahsūs huā thā apne ahd kā ḳhizr huuñ maiñ
chupke chupke jab bhī maiñ ne ḳhizr ko DhūñDā paanī meñ
ālā.ish dāġhoñ se bharā ye terā badan ik roz 'zafar'
rahmat kī ghaTā jab barsī thī to saaf huā thā paanī meñ
جھیل میں اس کا پیکر دیکھا جیسے شعلہ پانی میں
زلف کی لہریں پیچاں جیسے ناگ ہو لپکا پانی میں
چاندنی شب میں اس کے پیچھے جب میں اترا پانی میں
چاندی اور سیماب لگا تھا پگھلا پگھلا پانی میں
کتنے رنگ کی مچھلیاں آئیں للچاتی اور بل کھاتی
قطرہ قطرہ میری رگوں سے خون جو ٹپکا پانی میں
روشن روشن رنگ نرالے کیسے نادر کتنے حباب
قلزم ہستی رقص میں تھا یا ایک تماشا پانی میں
ایک قلندر ڈھونڈ رہا تھا چاند ستاروں میں جا کر
اس کا خدا تو پوشیدہ تھا عنقا جیسا پانی میں
مجھ کو یہ محسوس ہوا تھا اپنے عہد کا خضر ہوں میں
چپکے چپکے جب بھی میں نے خضر کو ڈھونڈا پانی میں
آلائش داغوں سے بھرا یہ تیرا بدن اک روز ظفرؔ
رحمت کی گھٹا جب برسی تھی تو صاف ہوا تھا پانی میں