अपने दिल-ए-मुज़्तर को बेताब ही रहने दो
चलते रहो मंज़िल को नायाब ही रहने दो
तोहफ़े में अनोखा ज़ख़्म हालात ने बख़्शा है
एहसास का ख़ूँ दे कर शादाब ही रहने दो
वो हाथ में आता है और हाथ नहीं आता
सीमाब-सिफ़त पैकर सीमाब ही रहने दो
गहराई में ख़तरों का इम्काँ तो ज़ियादा है
दरिया-ए-तअल्लुक़ को पायाब ही रहने दो
ये मुझ पे करम होगा हिस्से में मिरे ऐ दोस्त
इख़्लास ओ मुरव्वत के आदाब ही रहने दो
इबहाम का पर्दा है तश्कीक का है आलम
तुम ज़ौक़-ए-तजस्सुस को बेताब ही रहने दो
मत जाओ क़रीब उस के तुम एक गहन बन कर
आँगन में उसे अपना महताब ही रहने दो
जब तक वो नहीं आता इक ख़्वाब-ए-हसीं हो कर
तुम अपने शबिस्ताँ को बे-ख़्वाब ही रहने दो
वो बर्फ़ का तोदा या पत्थर नहीं बन जाए
हर क़तरा-ए-अश्क-ए-ग़म सैलाब ही रहने दो
वो बहर-ए-फ़ना में ख़ुद डूबा है तो अच्छा है
फ़िलहाल 'ज़फ़र' उस को ग़र्क़ाब ही रहने दो
apne dil-e-muztar ko betāb hī rahne do
chalte raho manzil ko nāyāb hī rahne do
tohfe meñ anokhā zaḳhm hālāt ne baḳhshā hai
ehsās kā ḳhuuñ de kar shādāb hī rahne do
vo haath meñ aatā hai aur haath nahīñ aatā
sīmāb-sifat paikar sīmāb hī rahne do
gahrā.ī meñ ḳhatroñ kā imkāñ to ziyāda hai
dariyā-e-ta.alluq ko pāyāb hī rahne do
ye mujh pe karam hogā hisse meñ mire ai dost
iḳhlās o muravvat ke ādāb hī rahne do
ib.hām kā parda hai tashkīk kā hai aalam
tum zauq-e-tajassus ko betāb hī rahne do
mat jaao qarīb us ke tum ek gahan ban kar
āñgan meñ use apnā mahtāb hī rahne do
jab tak vo nahīñ aatā ik ḳhvāb-e-hasīñ ho kar
tum apne shabistāñ ko be-ḳhvāb hī rahne do
vo barf kā toda yā patthar nahīñ ban jaa.e
har qatra-e-ashk-e-ġham sailāb hī rahne do
vo bahr-e-fanā meñ ḳhud Duubā hai to achchhā hai
filhāl 'zafar' us ko ġharqāb hī rahne do
اپنے دل مضطر کو بیتاب ہی رہنے دو
چلتے رہو منزل کو نایاب ہی رہنے دو
تحفے میں انوکھا زخم حالات نے بخشا ہے
احساس کا خوں دے کر شاداب ہی رہنے دو
وہ ہاتھ میں آتا ہے اور ہاتھ نہیں آتا
سیماب صفت پیکر سیماب ہی رہنے دو
گہرائی میں خطروں کا امکاں تو زیادہ ہے
دریائے تعلق کو پایاب ہی رہنے دو
یہ مجھ پہ کرم ہوگا حصے میں مرے اے دوست
اخلاص و مروت کے آداب ہی رہنے دو
ابہام کا پردہ ہے تشکیک کا ہے عالم
تم ذوق تجسس کو بیتاب ہی رہنے دو
مت جاؤ قریب اس کے تم ایک گہن بن کر
آنگن میں اسے اپنا مہتاب ہی رہنے دو
جب تک وہ نہیں آتا اک خواب حسیں ہو کر
تم اپنے شبستاں کو بے خواب ہی رہنے دو
وہ برف کا تودہ یا پتھر نہیں بن جائے
ہر قطرۂ اشک غم سیلاب ہی رہنے دو
وہ بحر فنا میں خود ڈوبا ہے تو اچھا ہے
فی الحال ظفرؔ اس کو غرقاب ہی رہنے دو