मैं गिराँ-बार था इस वास्ते कम-माया था
तुझ को क्यों रौंदा गया तू तो फ़क़त साया था
कल खुला कितने दिनों बा'द ये दरवाज़ा-ए-दिल
कल कोई कितने दिनों बा'द यहाँ आया था
बार बार उठती थीं आँखें मिरी ख़ंजर की तरफ़
कितनी मुश्किल से मैं शब ख़ुद को बचा पाया था
फिर मिरे हाथ में इक रौशनी दर आई थी
मैं ने कुछ देर किसी हाथ को सहलाया था
फिर मिरी बात सुनी अन-सुनी करने लगे लोग
मैं ने इक रोज़ किसी बात को दोहराया था
कल मिरे कमरे में महकार थी 'फ़ैसल' क्या क्या
कल मिरे कमरे में फूलों का ख़ुदा आया था
maiñ girāñ-bār thā is vāste kam-māya thā
tujh ko kyoñ rauñdā gayā tū to faqat saaya thā
kal khulā kitne dinoñ baa'd ye darvāza-e-dil
kal koī kitne dinoñ baa'd yahāñ aayā thā
baar baar uThtī thiiñ āñkheñ mirī ḳhanjar kī taraf
kitnī mushkil se maiñ shab ḳhud ko bachā paayā thā
phir mire haath meñ ik raushnī dar aa.ī thī
maiñ ne kuchh der kisī haath ko sahlāyā thā
phir mirī baat sunī an-sunī karne lage log
maiñ ne ik roz kisī baat ko dohrāyā thā
kal mire kamre meñ mahkār thī 'faisal' kyā kyā
kal mire kamre meñ phūloñ kā ḳhudā aayā thā
میں گراں بار تھا اس واسطے کم مایہ تھا
تجھ کو کیوں روندا گیا تو تو فقط سایہ تھا
کل کھلا کتنے دنوں بعد یہ دروازۂ دل
کل کوئی کتنے دنوں بعد یہاں آیا تھا
بار بار اٹھتی تھیں آنکھیں مری خنجر کی طرف
کتنی مشکل سے میں شب خود کو بچا پایا تھا
پھر مرے ہاتھ میں اک روشنی در آئی تھی
میں نے کچھ دیر کسی ہاتھ کو سہلایا تھا
پھر مری بات سنی ان سنی کرنے لگے لوگ
میں نے اک روز کسی بات کو دہرایا تھا
کل مرے کمرے میں مہکار تھی فیصلؔ کیا کیا
کل مرے کمرے میں پھولوں کا خدا آیا تھا