इसे भी रस्म का हिस्सा बताया जाता है
हमें घसीट के बाज़ार लाया जाता है
तो क्या ब'ईद कि हम सुर्ख़-रू भी हो जाएँ
हमारा ज़र्फ़ अगर आज़माया जाता है
गुज़िश्ता 'अह्द में हम शहर से निकाले गए
न-जाने अब के हमें क्या सुनाया जाता है
अब ऐसे हाल में क्या क़हक़हों की फ़रमाइश
यही बहुत है अगर मुस्कुराया जाता है
तुम्हें तो लोरियाँ शायद सुनाई जाती हों
हमें तो थपकियाँ दे कर सुलाया जाता है
इसी लिए तो मुझे रौशनी पसंद नहीं
जहाँ भी जाऊँ मिरे साथ साया जाता है
ise bhī rasm kā hissa batāyā jaatā hai
hameñ ghasīT ke bāzār laayā jaatā hai
to kyā ba'īd ki ham surḳh-rū bhī ho jaa.eñ
hamārā zarf agar āzmāyā jaatā hai
guzishta 'ahd meñ ham shahr se nikāle ga.e
na-jāne ab ke hameñ kyā sunāyā jaatā hai
ab aise haal meñ kyā qahqahoñ kī farmā.ish
yahī bahut hai agar muskurāyā jaatā hai
tumheñ to loriyāñ shāyad sunā.ī jaatī hoñ
hameñ to thapkiyāñ de kar sulāyā jaatā hai
isī liye to mujhe raushnī pasand nahīñ
jahāñ bhī jā.ūñ mire saath saayā jaatā hai
اسے بھی رسم کا حصہ بتایا جاتا ہے
ہمیں گھسیٹ کے بازار لایا جاتا ہے
تو کیا بعید کہ ہم سر خرو بھی ہو جائیں
ہمارا ظرف اگر آزمایا جاتا ہے
گزشتہ عہد میں ہم شہر سے نکالے گئے
نجانے اب کے ہمیں کیا سنایا جاتا ہے
اب ایسے حال میں کیا قہقہوں کی فرمائش
یہی بہت ہے اگر مسکرایا جاتا ہے
تمہیں تو لوریاں شاید سنائی جاتی ہوں
ہمیں تو تھپکیاں دے کر سلایا جاتا ہے
اسی لیے تو مجھے روشنی پسند نہیں
جہاں بھی جاؤں مرے ساتھ سایا جاتا ہے