मैं दुआ माँगूँ तो दिल मुझ से ख़फ़ा हो जाएगा
सर झुका तो सर को सज्दों का नशा हो जाएगा
ख़्वाहिशों के डूबते सूरज ने बतलाया न था
मेरा साया मेरे क़द से भी बड़ा हो जाएगा
या तो मुझ से छीन लो ये बुत-तराशी का हुनर
वर्ना मैं जो बुत तराशूँ तो ख़ुदा हो जाएगा
गुफ़्तुगू में ज़ब्त लाज़िम है ज़रा सी चूक पर
लब पे आ के हर्फ़ हर्फ़-ए-मुद्दआ' हो जाएगा
ये मुझे मालूम कब था ख़्वाहिशों की भीड़ में
मेरा इक इक साँस जीने की सज़ा हो जाएगा
मेरे दर्द-ओ-कर्ब की परछाइयाँ चेहरे पे हैं
मैं ये आँसू रोक भी लूँगा तो क्या हो जाएगा
बात तो जुर्म-ओ-सज़ा की है मगर महशर के दिन
कुछ न कुछ उस से हमारा फ़ैसला हो जाएगा
maiñ duā māñgūñ to dil mujh se ḳhafā ho jā.egā
sar jhukā to sar ko sajdoñ kā nasha ho jā.egā
ḳhvāhishoñ ke Dūbte sūraj ne batlāyā na thā
merā saaya mere qad se bhī baḌā ho jā.egā
yā to mujh se chhīn lo ye but-tarāshī kā hunar
varna maiñ jo but tarāshūñ to ḳhudā ho jā.egā
guftugū meñ zabt lāzim hai zarā sī chuuk par
lab pe aa ke harf harf-e-mudda.ā ho jā.egā
ye mujhe mālūm kab thā ḳhvāhishoñ kī bhiiḌ meñ
merā ik ik saañs jiine kī sazā ho jā.egā
mere dard-o-karb kī parchhā.iyāñ chehre pe haiñ
maiñ ye aañsū rok bhī lūñgā to kyā ho jā.egā
baat to jurm-o-sazā kī hai magar mahshar ke din
kuchh na kuchh us se hamārā faisla ho jā.egā
میں دعا مانگوں تو دل مجھ سے خفا ہو جائے گا
سر جھکا تو سر کو سجدوں کا نشہ ہو جائے گا
خواہشوں کے ڈوبتے سورج نے بتلایا نہ تھا
میرا سایہ میرے قد سے بھی بڑا ہو جائے گا
یا تو مجھ سے چھین لو یہ بت تراشی کا ہنر
ورنہ میں جو بت تراشوں تو خدا ہو جائے گا
گفتگو میں ضبط لازم ہے ذرا سی چوک پر
لب پہ آ کے حرف حرف مدعا ہو جائے گا
یہ مجھے معلوم کب تھا خواہشوں کی بھیڑ میں
میرا اک اک سانس جینے کی سزا ہو جائے گا
میرے درد و کرب کی پرچھائیاں چہرے پہ ہیں
میں یہ آنسو روک بھی لوں گا تو کیا ہو جائے گا
بات تو جرم و سزا کی ہے مگر محشر کے دن
کچھ نہ کچھ اس سے ہمارا فیصلہ ہو جائے گا