मैं बदलते मौसमों के रंग से बेज़ार हूँ
हर नई रुत से चमन में बरसर-ए-पैकार हूँ
हुस्न-ए-यूसुफ़ के ख़रीदारो बढ़ो मेरी तरफ़
मैं अदब के दाएरे में मिस्र का बाज़ार हूँ
वक़्त के हाथों बिगड़ता हूँ सँवरने के लिए
मैं समुंदर के किनारे रेत की दीवार हूँ
कौन सा है मरहला जो मुझ से तय पाता नहीं
मैं ख़ुद अपने रास्ते की मंज़िल-ए-दुश्वार हूँ
जिस को पढ़ना है मुझे वो पहली फ़ुर्सत में पढ़े
सुब्ह के हाथों में पिछली रात का अख़बार हूँ
ख़्वाब है मेरे लिए मौज-ए-हवा की ताज़गी
मैं शजर पर ज़र्द पत्ते की तरह बेदार हूँ
मेरी गर्दन पर 'सबा' है अपनी शोहरत का लहू
मैं अमल की रौशनी में जुर्म का इक़रार हूँ
maiñ badalte mausamoñ ke rañg se bezār huuñ
har na.ī rut se chaman meñ barsar-e-paikār huuñ
husn-e-yūsuf ke ḳharīdāro baḌho merī taraf
maiñ adab ke dā.ere meñ misr kā bāzār huuñ
vaqt ke hāthoñ bigaḌtā huuñ sañvarne ke liye
maiñ samundar ke kināre ret kī dīvār huuñ
kaun sā hai marhala jo mujh se tai paatā nahīñ
maiñ ḳhud apne rāste kī manzil-e-dushvār huuñ
jis ko paḌhnā hai mujhe vo pahlī fursat meñ paḌhe
sub.h ke hāthoñ meñ pichhlī raat kā aḳhbār huuñ
ḳhvāb hai mere liye mauj-e-havā kī tāzgī
maiñ shajar par zard patte kī tarah bedār huuñ
merī gardan par 'sabā' hai apnī shohrat kā lahū
maiñ amal kī raushnī meñ jurm kā iqrār huuñ
میں بدلتے موسموں کے رنگ سے بیزار ہوں
ہر نئی رت سے چمن میں برسر پیکار ہوں
حسن یوسف کے خریدارو بڑھو میری طرف
میں ادب کے دائرے میں مصر کا بازار ہوں
وقت کے ہاتھوں بگڑتا ہوں سنورنے کے لئے
میں سمندر کے کنارے ریت کی دیوار ہوں
کون سا ہے مرحلہ جو مجھ سے طے پاتا نہیں
میں خود اپنے راستے کی منزل دشوار ہوں
جس کو پڑھنا ہے مجھے وہ پہلی فرصت میں پڑھے
صبح کے ہاتھوں میں پچھلی رات کا اخبار ہوں
خواب ہے میرے لئے موج ہوا کی تازگی
میں شجر پر زرد پتے کی طرح بیدار ہوں
میری گردن پر صباؔ ہے اپنی شہرت کا لہو
میں عمل کی روشنی میں جرم کا اقرار ہوں