अफ़्कार के साँचे में ढली ताज़ा ग़ज़ल है
या वक़्त के पेचीदा सवालात का हल है
ये संग की बुनियाद पे ता'मीर न होगा
ये मेरे तख़य्युल का हसीं शीश-महल है
मैं अपनी मोहब्बत का बदल ढूँड रहा हूँ
वो कौन है जो मेरी मोहब्बत का बदल है
ऐ तार-ए-नफ़स टूट भी जा देर न कर अब
एहसास की बालीं पे खड़ी कब से अजल है
जो अर्सा-ए-माज़ी है मुअर्रिख़ की नज़र में
शाइ'र की निगाहों में वो गुज़रा हुआ पल है
जो हिज्र के मौसम में खुले दाग़ की सूरत
वो फूल ब-अल्फ़ाज़-ए-दिगर आग का फल है
मैं दर्स-ए-तहम्मुल हूँ 'सबा' राह-ए-तलब में
दुनिया ये समझती है कि बाज़ू मिरा शल है
afkār ke sāñche meñ Dhalī taaza ġhazal hai
yā vaqt ke pechīda savālāt kā hal hai
ye sañg kī buniyād pe ta.amīr na hogā
ye mere taḳhayyul kā hasīñ shīsh-mahal hai
maiñ apnī mohabbat kā badal DhūñD rahā huuñ
vo kaun hai jo merī mohabbat kā badal hai
ai tār-e-nafas TuuT bhī jā der na kar ab
ehsās kī bālīñ pe khaḌī kab se ajal hai
jo arsa-e-māzī hai muarriḳh kī nazar meñ
shā.ir kī nigāhoñ meñ vo guzrā huā pal hai
jo hijr ke mausam meñ khule daaġh kī sūrat
vo phuul ba-alfāz-e-digar aag kā phal hai
maiñ dars-e-tahammul huuñ 'sabā' rāh-e-talab meñ
duniyā ye samajhtī hai ki baazū mirā shal hai
افکار کے سانچے میں ڈھلی تازہ غزل ہے
یا وقت کے پیچیدہ سوالات کا حل ہے
یہ سنگ کی بنیاد پہ تعمیر نہ ہوگا
یہ میرے تخیل کا حسیں شیش محل ہے
میں اپنی محبت کا بدل ڈھونڈ رہا ہوں
وہ کون ہے جو میری محبت کا بدل ہے
اے تار نفس ٹوٹ بھی جا دیر نہ کر اب
احساس کی بالیں پہ کھڑی کب سے اجل ہے
جو عرصۂ ماضی ہے مؤرخ کی نظر میں
شاعر کی نگاہوں میں وہ گزرا ہوا پل ہے
جو ہجر کے موسم میں کھلے داغ کی صورت
وہ پھول بہ الفاظ دگر آگ کا پھل ہے
میں درس تحمل ہوں صباؔ راہ طلب میں
دنیا یہ سمجھتی ہے کہ بازو مرا شل ہے