मैं अवाम में हूँ लेकिन नहीं ख़ू-ए-आमियाना
न अमल ख़ुशामदाना न सुख़न ख़ुशामदाना
तिरी और ज़िंदगी है मिरी और ज़िंदगी है
मैं बुलंदियों का जूया तो असीर-ए-आशियाना
मुझे रास ही न आई कभी नाक़िसों की सोहबत
मिरे जिस्म-ए-ना-तवाँ में नहीं रूह-ए-ताजिराना
मिरे ख़िज़्र के क़दम हैं मुझे मशअ'ल-ए-मनाज़िल
मिरे दीदा-ए-तलब में है निगाह-ए-मुजरिमाना
ग़म-ओ-रंज का छुपाना भी है कार-ए-ज़र्फ़ लेकिन
है ख़ुशी को ज़ब्त करना रह-ओ-रस्म-ए-आक़िलाना
तिरी तमकनत अगर है किसी दूसरे के बल पर
ये चलन है बाग़ियाना ये क़दम है मुजरिमाना
मुझे ख़िज़्र-ए-नौ की हाजत नहीं राह-ए-बंदगी में
मिरे मस्लक-ए-वफ़ा में ये रविश है काफ़िराना
maiñ avaam meñ huuñ lekin nahīñ ḳhū-e-āmiyāna
na amal ḳhushāmdāna na suḳhan ḳhushāmdāna
tirī aur zindagī hai mirī aur zindagī hai
maiñ bulandiyoñ kā juuyā to asīr-e-āshiyāna
mujhe raas hī na aa.ī kabhī nā-qishoñ kī sohbat
mire jism-e-nā-tavāñ meñ nahīñ rūh-e-tājirāna
mire ḳhizr ke qadam haiñ mujhe mash.al-e-manāzil
mire dīda-e-talab meñ hai nigāh-e-mujrimāna
ġham-o-rañj kā chhupānā bhī hai kār-e-zarf lekin
hai ḳhushī ko zabt karnā rah-o-rasm-e-āqilāna
tirī tamkanat agar hai kisī dūsre ke bal par
ye chalan hai bāġhiyāna ye qadam hai mujrimāna
mujhe ḳhizr-e-nau kī hājat nahīñ rāh-e-bandagī meñ
mire maslak-e-vafā meñ ye ravish hai kāfirāna
میں عوام میں ہوں لیکن نہیں خوئے عامیانہ
نہ عمل خوشامدانہ نہ سخن خوشامدانہ
تری اور زندگی ہے مری اور زندگی ہے
میں بلندیوں کا جویا تو اسیر آشیانہ
مجھے راس ہی نہ آئی کبھی ناقصوں کی صحبت
مرے جسم ناتواں میں نہیں روح تاجرانہ
مرے خضر کے قدم ہیں مجھے مشعل منازل
مرے دیدۂ طلب میں ہے نگاہ مجرمانہ
غم و رنج کا چھپانا بھی ہے کار ظرف لیکن
ہے خوشی کو ضبط کرنا رہ و رسم عاقلانہ
تری تمکنت اگر ہے کسی دوسرے کے بل پر
یہ چلن ہے باغیانہ یہ قدم ہے مجرمانہ
مجھے خضر نو کی حاجت نہیں راہ بندگی میں
مرے مسلک وفا میں یہ روش ہے کافرانہ