मय-कदे की शर्त दौर-ए-बादा-ओ-साग़र की क़ैद
एक मेरी तिश्नगी और उस पे दुनिया भर की क़ैद
इश्क़ में सहरा-नवर्दी का बहाना चाहिए
वहशत-ए-दिल के लिए अच्छी नहीं है घर की क़ैद
मावरा-ए-अर्श है मेरे तख़य्युल की उड़ान
हर्फ़-ए-बे-मा'नी समझता हूँ मैं बाल-ओ-पर की क़ैद
दाई'-ए-सोज़-ए-जिगर हो क्यों न परवाने की ख़ाक
शम-ए-महफ़िल के लिए है मोम के पैकर की क़ैद
ज़िंदगी का मा-हसल है इज़्तिराब-ए-ज़िंदगी
जादा-ए-उलफ़त में लाज़िम है दिल-ए-मुज़्तर की क़ैद
आदमी की ख़्वाब-गाहें हैं सलीब-ओ-तेग़ भी
नींद से बे-ताब आँखों को नहीं बिस्तर की क़ैद
क्या जहान-ए-रंग-ओ-निकहत की क़सम काफ़ी न थी
क्यों पए-सौगंद रखी तुम ने अपने सर की क़ैद
वक़्त के सैल-ए-रवाँ के सामने कुछ भी नहीं
बादबान-ए-अज़्म की बंदिश हो या लंगर की क़ैद
सर-ब-सज्दा जब कभी शौक़-ए-जबीं-साई हुआ
जज़्ब-ए-उल्फ़त ने लगा दी उस के संग-ए-दर की क़ैद
क्या किसी दरिया की लहरें गिन नहीं सकता था मैं
ख़्वाब में रक्खी गई क्यों रेत के मंज़र की क़ैद
मेरी नज़रों में मोहब्बत वो इबादत है 'सबा'
जिस इबादत में नहीं है फूल और पत्थर की क़ैद
mai-kade kī shart daur-e-bāda-o-sāġhar kī qaid
ek merī tishnagī aur us pe duniyā bhar kī qaid
ishq meñ sahrā-navardī kā bahāna chāhiye
vahshat-e-dil ke liye achchhī nahīñ hai ghar kī qaid
māvarā-e-arsh hai mere taḳhayyul kī uḌaan
harf-e-be-ma.anī samajhtā huuñ maiñ bāl-o-par kī qaid
dā.ī-e-soz-e-jigar ho kyoñ na parvāne kī ḳhaak
sham-e-mahfil ke liye hai mom ke paikar kī qaid
zindagī kā mā-hasal hai iztirāb-e-zindagī
jāda-e-ulfat meñ lāzim hai dil-e-muztar kī qaid
aadmī kī ḳhvāb-gāheñ haiñ salīb-o-teġh bhī
niiñd se be-tāb āñkhoñ ko nahīñ bistar kī qaid
kyā jahān-e-rang-o-nik.hat kī qasam kaafī na thī
kyoñ pa.e-saugand rakhī tum ne apne sar kī qaid
vaqt ke sail-e-ravāñ ke sāmne kuchh bhī nahīñ
bādbān-e-azm kī bandish ho yā langar kī qaid
sar-ba-sajda jab kabhī zauq-e-jabīñ-sā.ī huā
jazb-e-ulfat ne lagā dī us ke sang-e-dar kī qaid
kyā kisī dariyā kī lahreñ gin nahīñ saktā thā maiñ
ḳhvāb meñ rakkhī ga.ī kyoñ ret ke manzar kī qaid
merī nazroñ meñ mohabbat vo ibādat hai 'sabā'
jis ibādat meñ nahīñ hai phuul aur patthar kī qaid
میکدے کی شرط دور بادہ و ساغر کی قید
ایک میری تشنگی اور اس پہ دنیا بھر کی قید
عشق میں صحرا نوردی کا بہانہ چاہئے
وحشت دل کے لئے اچھی نہیں ہے گھر کی قید
ماورا عرش ہے میرے تخیل کی اڑان
حرف بے معنی سمجھتا ہوں میں بال و پر کی قید
داعی سوز جگر ہو کیوں نہ پروانے کی خاک
شمع محفل کے لئے ہے موم کے پیکر کی قید
زندگی کا ماحصل ہے اضطراب زندگی
جادۂ الفت میں لازم ہے دل مضطر کی قید
آدمی کی خواب گاہیں ہیں صلیب و تیغ بھی
نیند سے بے تاب آنکھوں کو نہیں بستر کی قید
کیا جہان رنگ و نکہت کی قسم کافی نہ تھی
کیوں پئے سوگند رکھی تم نے اپنے سر کی قید
وقت کے سیل رواں کے سامنے کچھ بھی نہیں
بادبان عزم کی بندش ہو یا لنگر کی قید
سر بہ سجدہ جب کبھی ذوق جبیں سائی ہوا
جذب الفت نے لگا دی اس کے سنگ در کی قید
کیا کسی دریا کی لہریں گن نہیں سکتا تھا میں
خواب میں رکھی گئی کیوں ریت کے منظر کی قید
میری نظروں میں محبت وہ عبادت ہے صباؔ
جس عبادت میں نہیں ہے پھول اور پتھر کی قید