ले उड़ा रंग फ़लक जल्वा-ए-रा'नाई का
अक्स है क़ौस-ए-क़ुज़ह में तिरी अंगड़ाई का
इस क़दर नाज़ है क्यूँ आप को यकताई पर
दूसरा नाम है ये भी मिरी तन्हाई का
अजब अंदाज़ से कुछ मोहर-ए-ख़मोशी टूटी
वस्फ़ पैदा हुआ तस्वीर में गोयाई का
खुल रहा है तिरी रहमत की बदौलत वर्ना
कौन था देखने वाला गुल-ए-सहराई का
हो गई मेरे गुनाहों की सियाही मक़्बूल
संग-ए-असवद पे चढ़ा रंग जबीं-साई का
सूरत-ए-यास से आईना-ए-हैरत हो कर
देखते रह गए चेहरा वो तमन्नाई का
बे-ख़ुदी देख के मेरी सर-ए-महफ़िल पूछा
नाम मशहूर है 'कैफ़ी' इसी सहबाई का
le uḌā rañg falak jalva-e-ra.anā.ī kā
aks hai qaus-e-quzah meñ tirī añgḌā.ī kā
is qadar naaz hai kyuuñ aap ko yaktā.ī par
dūsrā naam hai ye bhī mirī tanhā.ī kā
ajab andāz se kuchh mohr-e-ḳhamoshī TuuTī
vasf paidā huā tasvīr meñ goyā.ī kā
khul rahā hai tirī rahmat kī badaulat varna
kaun thā dekhne vaalā gul-e-sahrā.ī kā
ho ga.ī mere gunāhoñ kī siyāhī maqbūl
sañg-e-asvad pe chaḌhā rañg jabīñ-sā.ī kā
sūrat-e-yās se ā.īna-e-hairat ho kar
dekhte rah ga.e chehra vo tamannā.ī kā
be-ḳhudī dekh ke merī sar-e-mahfil pūchhā
naam mash.hūr hai 'kaifī' isī sahbā.ī kā
لے اڑا رنگ فلک جلوۂ رعنائی کا
عکس ہے قوس قزح میں تری انگڑائی کا
اس قدر ناز ہے کیوں آپ کو یکتائی پر
دوسرا نام ہے یہ بھی مری تنہائی کا
عجب انداز سے کچھ مہر خموشی ٹوٹی
وصف پیدا ہوا تصویر میں گویائی کا
کھل رہا ہے تری رحمت کی بدولت ورنہ
کون تھا دیکھنے والا گل صحرائی کا
ہو گئی میرے گناہوں کی سیاہی مقبول
سنگ اسود پہ چڑھا رنگ جبیں سائی کا
صورت یاس سے آئینۂ حیرت ہو کر
دیکھتے رہ گئے چہرہ وہ تمنائی کا
بے خودی دیکھ کے میری سر محفل پوچھا
نام مشہور ہے کیفیؔ اسی صہبائی کا