लहद और हश्र में ये फ़र्क़ कम पाए नहीं जाते
यहाँ धूप आ नहीं सकती वहाँ साए नहीं जाते
किसी महफ़िल में भी ऐसे चलन पाए नहीं जाते
कि बुलवाए हुए मेहमान उठवाए नहीं जाते
ज़मीं पर पाऊँ रखने दे उन्हें ऐ नाज़-ए-यकताई
कि अब नक़्श-ए-क़दम उन के कहीं पाए नहीं जाते
तुझे ऐ दीदा-ए-तर फ़िक्र क्यूँ है दिल के ज़ख़्मों की
कि बे-शबनम के भी ये फूल मुरझाए नहीं जाते
जुनूँ वालों को क्या समझाओगे ये वो ज़माना है
ख़िरद वाले ख़िरद वालों से समझाए नहीं जाते
वक़ार-ए-इश्क़ यूँ भी शम्अ की नज़रों में कुछ कम है
पतिंगे ख़ुद चले आते हैं बुलवाए नहीं जाते
फ़ज़ीलत है ये इंसाँ की वहाँ तक जा पहुँचता है
फ़रिश्ते क्या फ़रिश्तों के जहाँ साए नहीं जाते
बस इतनी बात पर छीनी गई है रहबरी हम से
कि हम से कारवाँ मंज़िल पे लुटवाए नहीं जाते
'क़मर' की सुब्ह-ए-फ़ुर्क़त पूछिए सूरज की किरनों से
सितारे तो गवाही के लिए आए नहीं जाते
lahad aur hashr meñ ye farq kam paa.e nahīñ jaate
yahāñ dhuup aa nahīñ saktī vahāñ saa.e nahīñ jaate
kisī mahfil meñ bhī aise chalan paa.e nahīñ jaate
ki bulvā.e hue mehmān uThvā.e nahīñ jaate
zamīñ par pā.ūñ rakhne de unheñ ai nāz-e-yaktā.ī
ki ab naqsh-e-qadam un ke kahīñ paa.e nahīñ jaate
tujhe ai dīda-e-tar fikr kyuuñ hai dil ke zaḳhmoñ kī
ki be-shabnam ke bhī ye phuul murjhā.e nahīñ jaate
junūñ vāloñ ko kyā samjhāoge ye vo zamāna hai
ḳhirad vaale ḳhirad vāloñ se samjhā.e nahīñ jaate
vaqār-e-ishq yuuñ bhī sham.a kī nazroñ meñ kuchh kam hai
patiñge ḳhud chale aate haiñ bulvā.e nahīñ jaate
fazīlat hai ye insāñ kī vahāñ tak jā pahuñchtā hai
farishte kyā farishtoñ ke jahāñ saa.e nahīñ jaate
bas itnī baat par chhīnī ga.ī hai rahbarī ham se
ki ham se kārvāñ manzil pe luTvā.e nahīñ jaate
'qamar' kī sub.h-e-furqat pūchhiye sūraj kī kirnoñ se
sitāre to gavāhī ke liye aa.e nahīñ jaate
لحد اور حشر میں یہ فرق کم پائے نہیں جاتے
یہاں دھوپ آ نہیں سکتی وہاں سائے نہیں جاتے
کسی محفل میں بھی ایسے چلن پائے نہیں جاتے
کہ بلوائے ہوئے مہمان اٹھوائے نہیں جاتے
زمیں پر پاؤں رکھنے دے انہیں اے ناز یکتائی
کہ اب نقش قدم ان کے کہیں پائے نہیں جاتے
تجھے اے دیدۂ تر فکر کیوں ہے دل کے زخموں کی
کہ بے شبنم کے بھی یہ پھول مرجھائے نہیں جاتے
جنوں والوں کو کیا سمجھاؤ گے یہ وہ زمانہ ہے
خرد والے خرد والوں سے سمجھائے نہیں جاتے
وقار عشق یوں بھی شمع کی نظروں میں کچھ کم ہے
پتنگے خود چلے آتے ہیں بلوائے نہیں جاتے
فضیلت ہے یہ انساں کی وہاں تک جا پہنچتا ہے
فرشتے کیا فرشتوں کے جہاں سائے نہیں جاتے
بس اتنی بات پر چھینی گئی ہے رہبری ہم سے
کہ ہم سے کارواں منزل پہ لٹوائے نہیں جاتے
قمرؔ کی صبح فرقت پوچھئے سورج کی کرنوں سے
ستارے تو گواہی کے لئے آئے نہیں جاتے