लगे हुए थे सभी शोर ही मचाने में
जभी तो देर लगी आग को बुझाने में
वगर्ना मुझ से कोई काम ही न हो पाए
कुछ ऐसी बरकतें हैं तेरे मुस्कुराने में
अजीब साए सुकूनत किए हुए थे यहाँ
बड़ा सुकून मिला है ये घर जलाने में
बचा सका न तिरा इश्क़ दुख तो है लेकिन
लगा हुआ हूँ मैं अब नौकरी बचाने में
जो हो सके तो मिरे हिज्र में इज़ाफ़ा कर
कि मुझ से देर हुई तुझ से दिल लगाने में
बहा के ले गया दरिया तमाम बस्ती को
मगर ये लोग रहे कश्तियाँ बनाने में
मिरे मकाँ के अँधेरों को कौन समझाए
ख़ुशी मिली जो हवा को दिया बुझाने में
जो नाम हम ने कमाया है इश्क़ में 'साहिर'
जनाब-ए-क़ैस को सदियाँ लगीं कमाने में
lage hue the sabhī shor hī machāne meñ
jabhī to der lagī aag ko bujhāne meñ
vagarna mujh se koī kaam hī na ho paa.e
kuchh aisī barkateñ haiñ tere muskurāne meñ
ajiib saa.e sukūnat kiye hue the yahāñ
baḌā sukūn milā hai ye ghar jalāne meñ
bachā sakā na tirā ishq dukh to hai lekin
lagā huā huuñ maiñ ab naukrī bachāne meñ
jo ho sake to mire hijr meñ izāfa kar
ki mujh se der huī tujh se dil lagāne meñ
bahā ke le gayā dariyā tamām bastī ko
magar ye log rahe kashtiyāñ banāne meñ
mire makāñ ke añdheroñ ko kaun samjhā.e
ḳhushī milī jo havā ko diyā bujhāne meñ
jo naam ham ne kamāyā hai ishq meñ 'sāhir'
janāb-e-qais ko sadiyāñ lagīñ kamāne meñ
لگے ہوئے تھے سبھی شور ہی مچانے میں
جبھی تو دیر لگی آگ کو بجھانے میں
وگرنہ مجھ سے کوئی کام ہی نہ ہو پائے
کچھ ایسی برکتیں ہیں تیرے مسکرانے میں
عجیب سائے سکونت کیے ہوئے تھے یہاں
بڑا سکون ملا ہے یہ گھر جلانے میں
بچا سکا نہ ترا عشق دکھ تو ہے لیکن
لگا ہوا ہوں میں اب نوکری بچانے میں
جو ہو سکے تو مرے ہجر میں اضافہ کر
کہ مجھ سے دیر ہوئی تجھ سے دل لگانے میں
بہا کے لے گیا دریا تمام بستی کو
مگر یہ لوگ رہے کشتیاں بنانے میں
مرے مکاں کے اندھیروں کو کون سمجھائے
خوشی ملی جو ہوا کو دیا بجھانے میں
جو نام ہم نے کمایا ہے عشق میں ساحرؔ
جناب قیس کو صدیاں لگیں کمانے میں