लब-ए-ख़मोश को अरमान-ए-गुफ़्तुगू ही सही
जिगर में हौसला-ए-अर्ज़-ए-आरज़ू ही सही
असर क़ुबूल है मुझ को बदलती क़द्रों का
रग-ए-हयात में अस्लाफ़ का लहू ही सही
नमाज़-ए-इश्क़ अदा हो रही है मक़्तल में
ये पुर-ख़ुलूस इबादत है बे-वुज़ू ही सही
उसे भी ख़ौफ़ है गुलशन में ज़र्द मौसम का
वो सुर्ख़ फूल की मानिंद शो'ला-रू ही सही
जुनून-ए-इश्क़ के लश्कर से हार जाएगी
सिपाह-ए-होश-ओ-ख़िरद लाख जंग-जू ही सही
वो मेरी तिश्नगी-ए-दिल बुझा नहीं सकता
खनकता जाम छलकता हुआ सुबू ही सही
मैं एक हर्फ़-ए-मलामत हूँ उस के दामन पर
वो मेरी पाक मोहब्बत की आबरू ही सही
मिरी निगाह का मरकज़ नहीं तो कुछ भी नहीं
वो ख़ुद-पसंद निगाहों में ख़ूब-रू ही सही
'सबा' कि शाइर-ए-ख़ुश-फ़िक्र है मगर गुमनाम
हर एक उस से है वाक़िफ़ वो ख़ुश-गुलू ही सही
lab-e-ḳhamosh ko armān-e-guftugū hī sahī
jigar meñ hausla-e-arz-e-ārzū hī sahī
asar qubūl hai mujh ko badaltī qadroñ kā
rag-e-hayāt meñ aslāf kā lahū hī sahī
namāz-e-ishq adā ho rahī hai maqtal meñ
ye pur-ḳhulūs ibādat hai be-vuzū hī sahī
use bhī ḳhauf hai gulshan meñ zard mausam kā
vo surḳh phuul kī mānind sho.ala-rū hī sahī
junūn-e-ishq ke lashkar se haar jā.egī
sipāh-e-hosh-o-ḳhirad laakh jañg-jū hī sahī
vo merī tishnagī-e-dil bujhā nahīñ saktā
khanaktā jaam chhalaktā huā subū hī sahī
maiñ ek harf-e-malāmat huuñ us ke dāman par
vo merī paak mohabbat kī aabrū hī sahī
mirī nigāh kā markaz nahīñ to kuchh bhī nahīñ
vo ḳhud-pasand nigāhoñ meñ ḳhūb-rū hī sahī
'sabā' ki shā.ir-e-ḳhush-fikr hai magar gumnām
har ek us se hai vāqif vo ḳhush-gulū hī sahī
لب خموش کو ارمان گفتگو ہی سہی
جگر میں حوصلۂ عرض آرزو ہی سہی
اثر قبول ہے مجھ کو بدلتی قدروں کا
رگ حیات میں اسلاف کا لہو ہی سہی
نماز عشق ادا ہو رہی ہے مقتل میں
یہ پرخلوص عبادت ہے بے وضو ہی سہی
اسے بھی خوف ہے گلشن میں زرد موسم کا
وہ سرخ پھول کی مانند شعلہ رو ہی سہی
جنون عشق کے لشکر سے ہار جائے گی
سپاہ ہوش و خرد لاکھ جنگ جو ہی سہی
وہ میری تشنگیٔ دل بجھا نہیں سکتا
کھنکتا جام چھلکتا ہوا سبو ہی سہی
میں ایک حرف ملامت ہوں اس کے دامن پر
وہ میری پاک محبت کی آبرو ہی سہی
مری نگاہ کا مرکز نہیں تو کچھ بھی نہیں
وہ خود پسند نگاہوں میں خوب رو ہی سہی
صباؔ کہ شاعر خوش فکر ہے مگر گمنام
ہر ایک اس سے ہے واقف وہ خوش گلو ہی سہی