लाई फिर इक लग़्ज़िश-ए-मस्ताना तेरे शहर में
फिर बनेंगी मस्जिदें मय-ख़ाना तेरे शहर में
आज फिर टूटेंगी तेरे घर की नाज़ुक खिड़कियाँ
आज फिर देखा गया दीवाना तेरे शहर में
जुर्म है तेरी गली से सर झुका कर लौटना
कुफ़्र है पथराव से घबराना तेरे शहर में
शाह-नामे लिक्खे हैं खंडरात की हर ईंट पर
हर जगह है दफ़्न इक अफ़्साना तेरे शहर में
कुछ कनीज़ें जो हरीम-ए-नाज़ में हैं बारयाब
माँगती हैं जान ओ दिल नज़राना तेरे शहर में
नंगी सड़कों पर भटक कर देख जब मरती है रात
रेंगता है हर तरफ़ वीराना तेरे शहर में
laa.ī phir ik laġhzish-e-mastāna tere shahr meñ
phir baneñgī masjideñ mai-ḳhāna tere shahr meñ
aaj phir TūTeñgī tere ghar kī nāzuk khiḌkiyāñ
aaj phir dekhā gayā dīvāna tere shahr meñ
jurm hai terī galī se sar jhukā kar lauTnā
kufr hai pathrāv se ghabrānā tere shahr meñ
shāh-nāme likkhe haiñ khañDarāt kī har iiñT par
har jagah hai dafn ik afsāna tere shahr meñ
kuchh kanīzeñ jo harīm-e-nāz meñ haiñ bāryāb
māñgtī haiñ jaan o dil nazrāna tere shahr meñ
nañgī saḌkoñ par bhaTak kar dekh jab martī hai raat
reñgtā hai har taraf vīrāna tere shahr meñ
لائی پھر اک لغزش مستانہ تیرے شہر میں
پھر بنیں گی مسجدیں مے خانہ تیرے شہر میں
آج پھر ٹوٹیں گی تیرے گھر کی نازک کھڑکیاں
آج پھر دیکھا گیا دیوانہ تیرے شہر میں
جرم ہے تیری گلی سے سر جھکا کر لوٹنا
کفر ہے پتھراؤ سے گھبرانا تیرے شہر میں
شاہ نامے لکھے ہیں کھنڈرات کی ہر اینٹ پر
ہر جگہ ہے دفن اک افسانہ تیرے شہر میں
کچھ کنیزیں جو حریم ناز میں ہیں باریاب
مانگتی ہیں جان و دل نذرانہ تیرے شہر میں
ننگی سڑکوں پر بھٹک کر دیکھ جب مرتی ہے رات
رینگتا ہے ہر طرف ویرانہ تیرے شہر میں