क्यूँ क़त्ल के अरमान में आज़ार उठाएँ
गर्दन मिरी हाज़िर है वो तलवार उठाएँ
रोके से मिरी तब-ए-रवाँ रुक न सकेगी
रस्ते में मिरे लाख वो दीवार उठाएँ
जो दिल में तुम्हारे है बता क्यूँ नहीं देते
सदमा जो उठाना है तो यकबार उठाएँ
क्यूँ लोग हैं ख़ामोश ज़बूँ-हाल पे अपने
आवाज़ सर-ए-कूचा-ओ-बाज़ार उठाएँ
ख़ुद ही जो पस-ए-पर्दा-ए-असरार छुपे हैं
वो कैसे भला पर्दा-ए-असरार उठाएँ
नीलाम जो करते हैं यहाँ जिंस-ए-वफ़ा को
मुमकिन ही नहीं नाज़-ए-ख़रीदार उठाएँ
ये जुर्म-ए-मोहब्बत नहीं वाइ'ज़ का मुक़द्दर
ये बार-ए-गुनाह हम से गुनहगार उठाएँ
फिरते हैं जो आज़ाद उन्हें कैसे ख़बर हो
ज़िंदाँ में जो तकलीफ़-ए-गिरफ़्तार उठाएँ
'शाहिद' यही लिक्खा है मुक़द्दर में हमारे
सदमात ज़माने में लगातार उठाएँ
kyuuñ qatl ke armān meñ āzār uThā.eñ
gardan mirī hāzir hai vo talvār uThā.eñ
roke se mirī tab-e-ravāñ ruk na sakegī
raste meñ mire laakh vo dīvār uThā.eñ
jo dil meñ tumhāre hai batā kyuuñ nahīñ dete
sadma jo uThānā hai to yakbār uThā.eñ
kyuuñ log haiñ ḳhāmosh zabūñ-hāl pe apne
āvāz sar-e-kūcha-o-bāzār uThā.eñ
ḳhud hī jo pas-e-parda-e-asrār chhupe haiñ
vo kaise bhalā parda-e-asrār uThā.eñ
nīlām jo karte haiñ yahāñ jins-e-vafā ko
mumkin hī nahīñ nāz-e-ḳharīdār uThā.eñ
ye jurm-e-mohabbat nahīñ vaa.iz kā muqaddar
ye bār-e-gunāh ham se gunahgār uThā.eñ
phirte haiñ jo āzād unheñ kaise ḳhabar ho
zindāñ meñ jo taklīf-e-giraftār uThā.eñ
'shāhid' yahī likkhā hai muqaddar meñ hamāre
sadmāt zamāne meñ lagātār uThā.eñ
کیوں قتل کے ارمان میں آزار اٹھائیں
گردن مری حاضر ہے وہ تلوار اٹھائیں
روکے سے مری طبع رواں رک نہ سکے گی
رستے میں مرے لاکھ وہ دیوار اٹھائیں
جو دل میں تمہارے ہے بتا کیوں نہیں دیتے
صدمہ جو اٹھانا ہے تو یکبار اٹھائیں
کیوں لوگ ہیں خاموش زبوں حال پہ اپنے
آواز سر کوچہ و بازار اٹھائیں
خود ہی جو پس پردۂ اسرار چھپے ہیں
وہ کیسے بھلا پردۂ اسرار اٹھائیں
نیلام جو کرتے ہیں یہاں جنس وفا کو
ممکن ہی نہیں ناز خریدار اٹھائیں
یہ جرم محبت نہیں واعظ کا مقدر
یہ بار گناہ ہم سے گنہ گار اٹھائیں
پھرتے ہیں جو آزاد انہیں کیسے خبر ہو
زنداں میں جو تکلیف گرفتار اٹھائیں
شاہدؔ یہی لکھا ہے مقدر میں ہمارے
صدمات زمانے میں لگاتار اٹھائیں