क्यों न हम आज हक़ीक़त ही बता दें अपनी
जिस्म अपना ही न इस जिस्म में साँसें अपनी
सच तो ये है कि कभी ख़ुद को तलाशा ही न था
और आई भी न थीं बरसों से यादें अपनी
बोझ इस दिल का किसी रोज़ तो हल्का होगा
खुल के बरसेंगी किसी रोज़ तो आँखें अपनी
अब ये आलम है हम इक दूजे को सुन लेते हैं
और ख़ामोश भी रखते हैं ज़बानें अपनी
जाने किस वक़्त हो अंदर के सफ़र का आग़ाज़
जाने कब ख़त्म हों बाहर की ये दौड़ें अपनी
मुझ को पहले ही से इरफ़ान का है नश्शा बहुत
मेरे आगे से हटा लो ये शराबें अपनी
अब तो हर सम्त नज़र आता है जल्वा अपना
अब तो जिस सम्त भी उठती हैं निगाहें अपनी
आइना आइना है आप को क्या देखेगा
देख सकती हैं कहाँ ख़ुद को निगाहें अपनी
रूह की प्यास है लफ़्ज़ों से कहाँ बुझती है
बंद कर दो ये सहीफ़े ये किताबें अपनी
एक तू ही तो समझ सकता है 'आसी' वर्ना
कौन समझेगा तिरे शहर में बातें अपनी
kyoñ na ham aaj haqīqat hī batā deñ apnī
jism apnā hī na is jism meñ sāñseñ apnī
sach to ye hai ki kabhī ḳhud ko talāshā hī na thā
aur aa.ī bhī na thiiñ barsoñ se yādeñ apnī
bojh is dil kā kisī roz to halkā hogā
khul ke barseñgī kisī roz to āñkheñ apnī
ab ye aalam hai ham ik duuje ko sun lete haiñ
aur ḳhāmosh bhī rakhte haiñ zabāneñ apnī
jaane kis vaqt ho andar ke safar kā āġhāz
jaane kab ḳhatm hoñ bāhar kī ye dauḌeñ apnī
mujh ko pahle hī se irfān kā hai nashsha bahut
mere aage se haTā lo ye sharābeñ apnī
ab to har samt nazar aatā hai jalva apnā
ab to jis samt bhī uThtī haiñ nigāheñ apnī
aa.ina aa.ina hai aap ko kyā dekhegā
dekh saktī haiñ kahāñ ḳhud ko nigāheñ apnī
ruuh kī pyaas hai lafzoñ se kahāñ bujhtī hai
band kar do ye sahīfe ye kitābeñ apnī
ek tū hī to samajh saktā hai 'āsī' varna
kaun samjhegā tire shahr meñ bāteñ apnī
کیوں نہ ہم آج حقیقت ہی بتا دیں اپنی
جسم اپنا ہی نہ اس جسم میں سانسیں اپنی
سچ تو یہ ہے کہ کبھی خود کو تلاشا ہی نہ تھا
اور آئی بھی نہ تھیں برسوں سے یادیں اپنی
بوجھ اس دل کا کسی روز تو ہلکا ہوگا
کھل کے برسیں گی کسی روز تو آنکھیں اپنی
اب یہ عالم ہے ہم اک دوجے کو سن لیتے ہیں
اور خاموش بھی رکھتے ہیں زبانیں اپنی
جانے کس وقت ہو اندر کے سفر کا آغاز
جانے کب ختم ہوں باہر کی یہ دوڑیں اپنی
مجھ کو پہلے ہی سے عرفان کا ہے نشہ بہت
میرے آگے سے ہٹا لو یہ شرابیں اپنی
اب تو ہر سمت نظر آتا ہے جلوہ اپنا
اب تو جس سمت بھی اٹھتی ہیں نگاہیں اپنی
آئنہ آئنہ ہے آپ کو کیا دیکھے گا
دیکھ سکتی ہیں کہاں خود کو نگاہیں اپنی
روح کی پیاس ہے لفظوں سے کہاں بجھتی ہے
بند کر دو یہ صحیفے یہ کتابیں اپنی
ایک تو ہی تو سمجھ سکتا ہے عاصیؔ ورنہ
کون سمجھے گا ترے شہر میں باتیں اپنی