क्या क्या न दिल पे दाग़ उठाए हुए हैं हम
इक घर में सौ चराग़ जलाए हुए हैं हम
अब इस चमन से और हो उम्मीद क्या हमें
ऐ सुब्ह-ए-नौ फ़रेब तो खाए हुए हैं हम
उन की निगाह-ओ-अबरू-ओ-रुख़्सार का ख़याल
कुछ सोच कर गले से लगाए हुए हैं हम
तस्वीर रू-ए-यार के हुस्न-ओ-सिफ़ात की
इस दिल के आइने में बसाए हुए हैं हम
ऐ दोस्त आ के देख ले मेहमाँ-नवाज़ीयाँ
इक ख़ाना-ए-उमीद सजाए हुए हैं हम
इस ख़ौफ़ से कि दिल का जनाज़ा निकल न जाए
अपने ग़म-ओ-अलम को छुपाए हुए हैं हम
शायद गुज़र सबा का कभी इस तरफ़ से हो
इक रहगुज़र पे फूल बिछाए हुए हैं हम
अब वो बिठाएँ दिल में कि दिल से निकाल दें
'साबिर' किसी की बज़्म में आए हुए हैं हम
kyā kyā na dil pe daaġh uThā.e hue haiñ ham
ik ghar meñ sau charāġh jalā.e hue haiñ ham
ab is chaman se aur ho ummīd kyā hameñ
ai sub.h-e-nau fareb to khaa.e hue haiñ ham
un kī nigāh-o-abrū-o-ruḳhsār kā ḳhayāl
kuchh soch kar gale se lagā.e hue haiñ ham
tasvīr rū-e-yār ke husn-o-sifāt kī
is dil ke aa.ine meñ basā.e hue haiñ ham
ai dost aa ke dekh le mehmāñ-navāziyāñ
ik ḳhāna-e-umīd sajā.e hue haiñ ham
is ḳhauf se ki dil kā janāza nikal na jaa.e
apne ġham-o-alam ko chhupā.e hue haiñ ham
shāyad guzar sabā kā kabhī is taraf se ho
ik rahguzar pe phuul bichhā.e hue haiñ ham
ab vo biThā.eñ dil meñ ki dil se nikāl deñ
'sābir' kisī kī bazm meñ aa.e hue haiñ ham
کیا کیا نہ دل پہ داغ اٹھائے ہوئے ہیں ہم
اک گھر میں سو چراغ جلائے ہوئے ہیں ہم
اب اس چمن سے اور ہو امید کیا ہمیں
اے صبح نو فریب تو کھائے ہوئے ہیں ہم
ان کی نگاہ و ابرو و رخسار کا خیال
کچھ سوچ کر گلے سے لگائے ہوئے ہیں ہم
تصویر روئے یار کے حسن و صفات کی
اس دل کے آئنے میں بسائے ہوئے ہیں ہم
اے دوست آ کے دیکھ لے مہماں نوازیاں
اک خانۂ امید سجائے ہوئے ہیں ہم
اس خوف سے کہ دل کا جنازہ نکل نہ جائے
اپنے غم و الم کو چھپائے ہوئے ہیں ہم
شاید گزر صبا کا کبھی اس طرف سے ہو
اک رہ گزر پہ پھول بچھائے ہوئے ہیں ہم
اب وہ بٹھائیں دل میں کہ دل سے نکال دیں
صابرؔ کسی کی بزم میں آئے ہوئے ہیں ہم