क्या जियेगा कोई हम ख़ाक-नशीनों की तरह
एक इक पल यहाँ गुज़रा है महीनों की तरह
उस ने चढ़ कर मिरे काँधों पे फ़लक चूम लिया
मैं ज़मीं पर ही खड़ा रह गया ज़ीनों की तरह
दौर-ए-हाज़िर में मोहब्बत का कोई मोल नहीं
दिल भी होने लगे नीलाम ज़मीनों की तरह
ख़ुद नहीं चलता कोई और चलाता है उसे
अब तो इंसान भी तुलता है मशीनों की तरह
जब से आया है फ़सादात के मौसम में उबाल
हम भी मौजों में घिरे टूटे सफ़ीनों की तरह
मैं ने दुनिया की निगाहों से बचा कर ऐ 'कलीम'
दिल में रक्खा तिरी यादों को दफ़ीनों की तरह
kyā jiyegā koī ham ḳhāk-nashīnoñ kī tarah
ek ik pal yahāñ guzrā hai mahīnoñ kī tarah
us ne chaḌh kar mire kāñdhoñ pe falak chuum liyā
maiñ zamīñ par hī khaḌā rah gayā zīnoñ kī tarah
daur-e-hāzir meñ mohabbat kā koī mol nahīñ
dil bhī hone lage nīlām zamīnoñ kī tarah
ḳhud nahīñ chaltā koī aur chalātā hai use
ab to insān bhī tultā hai mashīnoñ kī tarah
jab se aayā hai fasādāt ke mausam meñ ubaal
ham bhī maujoñ meñ ghire TuuTe safīnoñ kī tarah
maiñ ne duniyā kī nigāhoñ se bachā kar ai 'kalīm'
dil meñ rakkhā tirī yādoñ ko dafīnoñ kī tarah
کیا جئے گا کوئی ہم خاک نشینوں کی طرح
ایک اک پل یہاں گزرا ہے مہینوں کی طرح
اس نے چڑھ کر مرے کاندھوں پہ فلک چوم لیا
میں زمیں پر ہی کھڑا رہ گیا زینوں کی طرح
دور حاضر میں محبت کا کوئی مول نہیں
دل بھی ہونے لگے نیلام زمینوں کی طرح
خود نہیں چلتا کوئی اور چلاتا ہے اسے
اب تو انسان بھی تلتا ہے مشینوں کی طرح
جب سے آیا ہے فسادات کے موسم میں ابال
ہم بھی موجوں میں گھرے ٹوٹے سفینوں کی طرح
میں نے دنیا کی نگاہوں سے بچا کر اے کلیمؔ
دل میں رکھا تری یادوں کو دفینوں کی طرح