क्या हुआ रंगीनी-ए-सुब्ह-ओ-मसा बाक़ी नहीं
अपने ही घर में वो पहली सी फ़ज़ा बाक़ी नहीं
आरज़ुओं का कोई भी सिलसिला बाक़ी नहीं
मसअला ये है कि कोई मसअला बाक़ी नहीं
आ गया है अब सवा नेज़े पे देखो आफ़्ताब
अपना साया भी ज़मीं पर ज़ेर-ए-पा बाक़ी नहीं
मंज़िलें आवाज़ देती हैं कि हम हैं मुंतज़िर
क़ाफ़िले वालों में लेकिन हौसले बाक़ी नहीं
बे-महाबा उस के आने का नतीजा ये हुआ
आइना-ख़ाने में कोई आइना बाक़ी नहीं
कितनी मश्शाक़ी से उस ने साफ़ दो टुकड़े किए
जिस्म में अब एक भी तस्मा लगा बाक़ी नहीं
हम तो छोड़ आए थे गहरे नक़्श राहों में 'हबाब'
वाए-हसरत एक भी अब नक़्श-ए-पा बाक़ी नहीं
kyā huā rañgīnī-e-sub.h-o-masā baaqī nahīñ
apne hī ghar meñ vo pahlī sī fazā baaqī nahīñ
ārzūoñ kā koī bhī silsila baaqī nahīñ
mas.ala ye hai ki koī mas.ala baaqī nahīñ
aa gayā hai ab savā neze pe dekho āftāb
apnā saaya bhī zamīñ par zer-e-pā baaqī nahīñ
manzileñ āvāz detī haiñ ki ham haiñ muntazir
qāfile vāloñ meñ lekin hausle baaqī nahīñ
be-mahābā us ke aane kā natīja ye huā
ā.ina-ḳhāne meñ koī aa.ina baaqī nahīñ
kitnī mashshāqī se us ne saaf do TukḌe kiye
jism meñ ab ek bhī tasma lagā baaqī nahīñ
ham to chhoḌ aa.e the gahre naqsh rāhoñ meñ 'habāb'
vā.e-hasrat ek bhī ab naqsh-e-pā baaqī nahīñ
کیا ہوا رنگینیٔ صبح و مسا باقی نہیں
اپنے ہی گھر میں وہ پہلی سی فضا باقی نہیں
آرزؤں کا کوئی بھی سلسلہ باقی نہیں
مسئلہ یہ ہے کہ کوئی مسئلہ باقی نہیں
آ گیا ہے اب سوا نیزے پہ دیکھو آفتاب
اپنا سایہ بھی زمیں پر زیر پا باقی نہیں
منزلیں آواز دیتی ہیں کہ ہم ہیں منتظر
قافلے والوں میں لیکن حوصلے باقی نہیں
بے محابا اس کے آنے کا نتیجہ یہ ہوا
آئنہ خانے میں کوئی آئنہ باقی نہیں
کتنی مشاقی سے اس نے صاف دو ٹکڑے کئے
جسم میں اب ایک بھی تسمہ لگا باقی نہیں
ہم تو چھوڑ آئے تھے گہرے نقش راہوں میں حبابؔ
وائے حسرت ایک بھی اب نقش پا باقی نہیں