क्या अब किसी की आरज़ू या जुस्तुजू करें
अब ख़ुद से ही सवाल करें गुफ़्तुगू करें
कोई तो काम ऐसा करें ज़िंदगी में हम
कुछ अपने वालदैन को भी सुर्ख़-रू करें
डालें नज़र हम अपने भी ऐबों पे दोस्तों
जब आइने को अपने कभी रू-ब-रू करें
क़ुदरत के कारनामों में है कितनी दिलकशी
लगता है बारिशों में कि पत्ते वुज़ू करें
अब ख़त्म कर दे ज़िंदगी साँसों का सिलसिला
हम अपनी ख़्वाहिशों का कहाँ तक लहू करें
kyā ab kisī kī aarzū yā justujū kareñ
ab ḳhud se hī savāl kareñ guftugū kareñ
koī to kaam aisā kareñ zindagī meñ ham
kuchh apne vāldain ko bhī surḳh-rū kareñ
Dāleñ nazar ham apne bhī aiboñ pe dostoñ
jab aa.ine ko apne kabhī rū-ba-rū kareñ
qudrat ke kārnāmoñ meñ hai kitnī dilkashī
lagtā hai bārishoñ meñ ki patte vuzū kareñ
ab ḳhatm kar de zindagī sāñsoñ kā silsila
ham apnī ḳhvāhishoñ kā kahāñ tak lahū kareñ
کیا اب کسی کی آرزو یا جستجو کریں
اب خود سے ہی سوال کریں گفتگو کریں
کوئی تو کام ایسا کریں زندگی میں ہم
کچھ اپنے والدین کو بھی سرخ رو کریں
ڈالیں نظر ہم اپنے بھی عیبوں پہ دوستوں
جب آئنے کو اپنے کبھی روبرو کریں
قدرت کے کارناموں میں ہے کتنی دل کشی
لگتا ہے بارشوں میں کہ پتے وضو کریں
اب ختم کر دے زندگی سانسوں کا سلسلہ
ہم اپنی خواہشوں کا کہاں تک لہو کریں