कूचा-ए-इश्क़ से कुछ ख़्वाब उठा कर ले आए
थे गदा तोहफ़ा-ए-नायाब उठा कर ले आए
कौन सी कश्ती में बैठें तिरे बंदे मौला
अब जो दुनिया कोई सैलाब उठा कर ले आए
हाए वो लोग गए चाँद से मिलने और फिर
अपने ही टूटे हुए ख़्वाब उठा कर ले आए
ऐसा ज़िद्दी था मिरा इश्क़ न बहला फिर भी
लोग सच-मुच कई महताब उठा कर ले आए
सतह-ए-साहिल न रही जब कोई क़ीमत इन की
हम ख़ज़ानों को तह-ए-आब उठा कर ले आए
जब मिला हुस्न भी हरजाई तो उस बज़्म से हम
इश्क़-ए-आवारा को बेताब उठा कर ले आए
इस को कम-ज़र्फ़ी-ए-रिंदान-ए-गिरामी कहिए
नशे छोड़ आए मय-ए-नाब उठा कर ले आए
अंजुमन-साज़ी-ए-अरबाब-ए-हुनर क्या कहिए
उन को वो और उन्हें अहबाब उठा कर ले आए
हम वो शाइर हमें लिखने लगे जब लोग तो हम
गुफ़्तुगू के नए आदाब उठा कर ले आए
ख़्वाब में लज़्ज़त-ए-यक-ख़्वाब है दुनिया मेरी
और मिरे फ़लसफ़ी अस्बाब उठा कर ले आए
kūcha-e-ishq se kuchh ḳhvāb uThā kar le aa.e
the gadā tohfa-e-nāyāb uThā kar le aa.e
kaun sī kashtī meñ baiTheñ tire bande maulā
ab jo duniyā koī sailāb uThā kar le aa.e
haa.e vo log ga.e chāñd se milne aur phir
apne hī TuuTe hue ḳhvāb uThā kar le aa.e
aisā ziddī thā mirā ishq na bahlā phir bhī
log sach-much ka.ī mahtāb uThā kar le aa.e
sat.h-e-sāhil na rahī jab koī qīmat in kī
ham ḳhazānoñ ko tah-e-āb uThā kar le aa.e
jab milā husn bhī harjā.ī to us bazm se ham
ishq-e-āvāra ko betāb uThā kar le aa.e
is ko kam-zarfi-e-rindān-e-girāmī kahiye
nashe chhoḌ aa.e mai-e-nāb uThā kar le aa.e
anjuman-sāzi-e-arbāb-e-hunar kyā kahiye
un ko vo aur unheñ ahbāb uThā kar le aa.e
ham vo shā.ir hameñ likhne lage jab log to ham
guftugū ke na.e ādāb uThā kar le aa.e
ḳhvāb meñ lazzat-e-yak-ḳhvāb hai duniyā merī
aur mire falsafī asbāb uThā kar le aa.e
کوچۂ عشق سے کچھ خواب اٹھا کر لے آئے
تھے گدا تحفۂ نایاب اٹھا کر لے آئے
کون سی کشتی میں بیٹھیں ترے بندے مولا
اب جو دنیا کوئی سیلاب اٹھا کر لے آئے
ہائے وہ لوگ گئے چاند سے ملنے اور پھر
اپنے ہی ٹوٹے ہوئے خواب اٹھا کر لے آئے
ایسا ضدی تھا مرا عشق نہ بہلا پھر بھی
لوگ سچ مچ کئی مہتاب اٹھا کر لے آئے
سطح ساحل نہ رہی جب کوئی قیمت ان کی
ہم خزانوں کو تہہ آب اٹھا کر لے آئے
جب ملا حسن بھی ہرجائی تو اس بزم سے ہم
عشق آوارہ کو بیتاب اٹھا کر لے آئے
اس کو کم ظرفی رندان گرامی کہیے
نشے چھوڑ آئے مئے ناب اٹھا کر لے آئے
انجمن سازئ ارباب ہنر کیا کہیے
ان کو وہ اور انہیں احباب اٹھا کر لے آئے
ہم وہ شاعر ہمیں لکھنے لگے جب لوگ تو ہم
گفتگو کے نئے آداب اٹھا کر لے آئے
خواب میں لذت یک خواب ہے دنیا میری
اور مرے فلسفی اسباب اٹھا کر لے آئے