कुंडी बजा के इस लिए भागा नहीं हूँ मैं
दिखता नहीं किसी को तो सोचा नहीं हूँ मैं
पिछले बरस की बात है कुछ लोग आए थे
दस्तक सुनी तो कमरे से चीख़ा नहीं हूँ मैं
जाने मैं किस का जिस्म हूँ और किस के पास हूँ
ढूँडा है ख़ुद को हर जगह मिलता नहीं हूँ मैं
ले जाओ मुझ को मुझ से मगर एक बात है
लम्बे सफ़र के वास्ते अच्छा नहीं हूँ मैं
साया हूँ और दिन ढले बुझ-वुझ गया हूँ क्या
देखा है आज आइना दिखता नहीं हूँ मैं
नाख़ुन चुभो के भाँप लो मुझ में मिरा वजूद
कितना हूँ अपने-आप में कितना नहीं हूँ मैं
मुमकिन है ये मलाल तुम्हें भी फ़रेब दे
जैसा मुझे बनाया था वैसा नहीं हूँ मैं
इक इक दुकाँ से पूछा कि मैं दस्तियाब हूँ
इंकार सुन के बुझ गया अच्छा नहीं हूँ मैं
kunDī bajā ke is liye bhāgā nahīñ huuñ maiñ
dikhtā nahīñ kisī ko to sochā nahīñ huuñ maiñ
pichhle baras kī baat hai kuchh log aa.e the
dastak sunī to kamre se chīḳhā nahīñ huuñ maiñ
jaane maiñ kis kā jism huuñ aur kis ke paas huuñ
DhūñDā hai ḳhud ko har jagah miltā nahīñ huuñ maiñ
le jaao mujh ko mujh se magar ek baat hai
lambe safar ke vāste achchhā nahīñ huuñ maiñ
saayā huuñ aur din Dhale bujh-vujh gayā huuñ kyā
dekhā hai aaj aa.ina dikhtā nahīñ huuñ maiñ
nāḳhun chubho ke bhāñp lo mujh meñ mirā vajūd
kitnā huuñ apne-āp meñ kitnā nahīñ huuñ maiñ
mumkin hai ye malāl tumheñ bhī fareb de
jaisā mujhe banāyā thā vaisā nahīñ huuñ maiñ
ik ik dukāñ se pūchhā ki maiñ dastiyāb huuñ
inkār sun ke bujh gayā achchhā nahīñ huuñ maiñ
کنڈی بجا کے اس لیے بھاگا نہیں ہوں میں
دکھتا نہیں کسی کو تو سوچا نہیں ہوں میں
پچھلے برس کی بات ہے کچھ لوگ آئے تھے
دستک سنی تو کمرے سے چیخا نہیں ہوں میں
جانے میں کس کا جسم ہوں اور کس کے پاس ہوں
ڈھونڈا ہے خود کو ہر جگہ ملتا نہیں ہوں میں
لے جاؤ مجھ کو مجھ سے مگر ایک بات ہے
لمبے سفر کے واسطے اچھا نہیں ہوں میں
سایا ہوں اور دن ڈھلے بجھ وجھ گیا ہوں کیا
دیکھا ہے آج آئنہ دکھتا نہیں ہوں میں
ناخن چبھو کے بھانپ لو مجھ میں مرا وجود
کتنا ہوں اپنے آپ میں کتنا نہیں ہوں میں
ممکن ہے یہ ملال تمہیں بھی فریب دے
جیسا مجھے بنایا تھا ویسا نہیں ہوں میں
اک اک دکاں سے پوچھا کہ میں دستیاب ہوں
انکار سن کے بجھ گیا اچھا نہیں ہوں میں