कुछ तो हो दर्द की लज़्ज़त ही सही
तेरी उल्फ़त में अज़िय्यत ही सही
दर्द को दर्द न जब तू समझे
बद-गुमानी तिरी आदत ही सही
दिल-ए-महजूर में अरमान-ए-विसाल
न सही दीद की हसरत ही सही
बुत-कदा छोड़ने वाले तो न थे
ख़ैर मिलती है तो जन्नत ही सही
दिल को था ख़ाक में मिलना सो मिला
देखने वालों को इबरत ही सही
इस सितमगार ने कर ली तौबा
ऐ फ़लक हाँ कोई आफ़त ही सही
कोई जल्वा नज़र आए शायद
टिकटिकी बँधने की आदत ही सही
हैं किसी जल्वे की आँखें मुश्ताक़
कुछ कम-ओ-बेश ये ग़फ़लत ही सही
इश्क़ की बोलती तस्वीर है 'शौक़'
देखने वालों को हैरत ही सही
kuchh to ho dard kī lazzat hī sahī
terī ulfat meñ aziyyat hī sahī
dard ko dard na jab tū samjhe
bad-gumānī tirī aadat hī sahī
dil-e-mahjūr meñ armān-e-visāl
na sahī diid kī hasrat hī sahī
but-kada chhoḌne vaale to na the
ḳhair miltī hai to jannat hī sahī
dil ko thā ḳhaak meñ milnā so milā
dekhne vāloñ ko ibrat hī sahī
is sitamgār ne kar lī tauba
ai falak haañ koī aafat hī sahī
koī jalva nazar aa.e shāyad
TikTikī bañdhne kī aadat hī sahī
haiñ kisī jalve kī āñkheñ mushtāq
kuchh kam-o-besh ye ġhaflat hī sahī
ishq kī boltī tasvīr hai 'shauq'
dekhne vāloñ ko hairat hī sahī
کچھ تو ہو درد کی لذت ہی سہی
تیری الفت میں اذیت ہی سہی
درد کو درد نہ جب تو سمجھے
بد گمانی تری عادت ہی سہی
دل مہجور میں ارمان وصال
نہ سہی دید کی حسرت ہی سہی
بت کدہ چھوڑنے والے تو نہ تھے
خیر ملتی ہے تو جنت ہی سہی
دل کو تھا خاک میں ملنا سو ملا
دیکھنے والوں کو عبرت ہی سہی
اس ستم گار نے کر لی توبہ
اے فلک ہاں کوئی آفت ہی سہی
کوئی جلوہ نظر آئے شاید
ٹکٹکی بندھنے کی عادت ہی سہی
ہیں کسی جلوے کی آنکھیں مشتاق
کچھ کم و بیش یہ غفلت ہی سہی
عشق کی بولتی تصویر ہے شوقؔ
دیکھنے والوں کو حیرت ہی سہی