कुछ तो बताओ शाइर-ए-बेदार क्या हुआ
किस की तलाश है तुम्हें और कौन खो गया
आँखों में रौशनी भी है वीरानियाँ भी हैं
इक चाँद साथ साथ है इक चाँद गह गया
तुम हम-सफ़र हुए तो हुई ज़िंदगी अज़ीज़
मुझ में तो ज़िंदगी का कोई हौसला न था
तुम ही कहो कि हो भी सकेगा मिरा इलाज
अगली मोहब्बतों के मिरे ज़ख़्म-आश्ना
झाँका है मैं ने ख़ल्वत-ए-जाँ में निगार-ए-जाँ
कोई नहीं है कोई नहीं है तिरे सिवा
वो और था कोई जिसे देखा है बज़्म में
गर मुझ को ढूँडना है मिरी ख़ल्वतों में आ
ऐ मेरे ख़्वाब आ मिरी आँखों को रंग दे
ऐ मेरी रौशनी तू मुझे रास्ता दिखा
अब आ भी जा कि सुब्ह से पहले ही बुझ न जाऊँ
ऐ मेरे आफ़्ताब बहुत तेज़ है हवा
या-रब अता हो ज़ख़्म कोई शेर-आफ़रीं
इक उम्र हो गई कि मिरा दिल नहीं दुखा
वो दौर आ गया है कि अब साहिबान-ए-दर्द
जो ख़्वाब देखते हैं वही ख़्वाब ना-रसा
दामन बने तो रंग हुआ दस्तरस से दूर
मौज-ए-हवा हुए तो है ख़ुश्बू गुरेज़-पा
लिक्खें भी क्या कि अब कोई अहवाल-ए-दिल नहीं
चीख़ें भी क्या कि अब कोई सुनता नहीं सदा
आँखों में कुछ नहीं है ब-जुज़ ख़ाक-ए-रहगुज़र
सीने में कुछ नहीं है ब-जुज़ नाला-ओ-नवा
पहचान लो हमें कि तुम्हारी सदा हैं हम
सुन लो कि फिर न आएँगे हम से ग़ज़ल-सरा
kuchh to batāo shā.ir-e-bedār kyā huā
kis kī talāsh hai tumheñ aur kaun kho gayā
āñkhoñ meñ raushnī bhī hai vīrāniyāñ bhī haiñ
ik chāñd saath saath hai ik chāñd gah gayā
tum ham-safar hue to huī zindagī aziiz
mujh meñ to zindagī kā koī hausla na thā
tum hī kaho ki ho bhī sakegā mirā ilaaj
aglī mohabbatoñ ke mire zaḳhm-āshnā
jhāñkā hai maiñ ne ḳhalvat-e-jāñ meñ nigār-e-jāñ
koī nahīñ hai koī nahīñ hai tire sivā
vo aur thā koī jise dekhā hai bazm meñ
gar mujh ko DhūñDnā hai mirī ḳhalvatoñ meñ aa
ai mere ḳhvāb aa mirī āñkhoñ ko rañg de
ai merī raushnī tū mujhe rāstā dikhā
ab aa bhī jā ki sub.h se pahle hī bujh na jā.ūñ
ai mere āftāb bahut tez hai havā
yā-rab atā ho zaḳhm koī sher-āfrīñ
ik umr ho ga.ī ki mirā dil nahīñ dukhā
vo daur aa gayā hai ki ab sāhibān-e-dard
jo ḳhvāb dekhte haiñ vahī ḳhvāb nā-rasā
dāman bane to rañg huā dastaras se duur
mauj-e-havā hue to hai ḳhushbū gurez-pā
likkheñ bhī kyā ki ab koī ahvāl-e-dil nahīñ
chīḳheñ bhī kyā ki ab koī suntā nahīñ sadā
āñkhoñ meñ kuchh nahīñ hai ba-juz ḳhāk-e-rahguzar
siine meñ kuchh nahīñ hai ba-juz nāla-o-navā
pahchān lo hameñ ki tumhārī sadā haiñ ham
sun lo ki phir na ā.eñge ham se ġhazal-sarā
کچھ تو بتاؤ شاعر بیدار کیا ہوا
کس کی تلاش ہے تمہیں اور کون کھو گیا
آنکھوں میں روشنی بھی ہے ویرانیاں بھی ہیں
اک چاند ساتھ ساتھ ہے اک چاند گہہ گیا
تم ہم سفر ہوئے تو ہوئی زندگی عزیز
مجھ میں تو زندگی کا کوئی حوصلہ نہ تھا
تم ہی کہو کہ ہو بھی سکے گا مرا علاج
اگلی محبتوں کے مرے زخم آشنا
جھانکا ہے میں نے خلوت جاں میں نگار جاں
کوئی نہیں ہے کوئی نہیں ہے ترے سوا
وہ اور تھا کوئی جسے دیکھا ہے بزم میں
گر مجھ کو ڈھونڈنا ہے مری خلوتوں میں آ
اے میرے خواب آ مری آنکھوں کو رنگ دے
اے میری روشنی تو مجھے راستا دکھا
اب آ بھی جا کہ صبح سے پہلے ہی بجھ نہ جاؤں
اے میرے آفتاب بہت تیز ہے ہوا
یارب عطا ہو زخم کوئی شعر آفریں
اک عمر ہو گئی کہ مرا دل نہیں دکھا
وہ دور آ گیا ہے کہ اب صاحبان درد
جو خواب دیکھتے ہیں وہی خواب نارسا
دامن بنے تو رنگ ہوا دسترس سے دور
موج ہوا ہوئے تو ہے خوشبو گریز پا
لکھیں بھی کیا کہ اب کوئی احوال دل نہیں
چیخیں بھی کیا کہ اب کوئی سنتا نہیں صدا
آنکھوں میں کچھ نہیں ہے بجز خاک رہ گزر
سینے میں کچھ نہیں ہے بجز نالہ و نوا
پہچان لو ہمیں کہ تمہاری صدا ہیں ہم
سن لو کہ پھر نہ آئیں گے ہم سے غزل سرا