कुछ इस तरह से तसव्वुर में आ रहा है कोई
चराग़ रूह में जैसे जला रहा है कोई
कोई कलीम उठे वर्ना इंतिज़ार के बा'द
चराग़-ए-तूर-ए-मोहब्बत बुझा रहा है कोई
वो दैर का था कि का'बे का ये नहीं मा'लूम
मिरी ख़ुदी का मुहाफ़िज़ ख़ुदा रहा है कोई
जो रोकना हो तो आ बढ़ के रोक ले वर्ना
तिरे हदूद-ए-तग़ाफ़ुल से जा रहा है कोई
रवाँ-दवाँ नहीं बे-वज्ह कारवान-ए-हयात
मुझे ज़रूर कहीं से बुला रहा है कोई
बदल रहे हैं जुनून-ओ-ख़िरद के पैमाने
किस एहतिमाम-ए-तग़य्युर से आ रहा है कोई
न कुछ मलाल-ए-असीरी न ख़तरा-ए-सय्याद
क़फ़स समझ के नशेमन बना रहा है कोई
ज़मीन-ओ-चर्ख़ ने इंकार कर दिया जिस से
वो बार दोश-ए-वफ़ा पर उठा रहा है कोई
जहान-ए-नौ में ब-रंग-ए-कशाकश-ए-पैहम
हयात-ए-नौ के सलीक़े सिखा रहा है कोई
ख़बर करो ये हक़ाएक़ के पासबानों को
मजाज़ खो के हक़ीक़त में आ रहा है कोई
न जाने कौन सी मंज़िल में इश्क़ है कि मुझे
मिरे हुदूद से बाहर बुला रहा है कोई
डरो ख़ुदा से बड़ा बोल बोलने वालो
क़रीब हम से भी बे-इंतिहा रहा है कोई
मुझे सितम में इज़ाफ़े का ग़म नहीं लेकिन
यक़ीन कर कि मिरे बा'द आ रहा है कोई
निगाह-ओ-लब में हँसी की सकत नहीं लेकिन
ब-जब्र-ए-इश्क़-ओ-वफ़ा मुस्कुरा रहा है कोई
ये सुब्ह-ओ-शाम की यूरिश ये मौसमों की रविश
कि जैसे मेरे तआ'क़ुब में आ रहा है कोई
किसी को इस की ख़बर ही नहीं थी कुछ 'एहसान'
कि मिट के अपना ज़माना बना रहा है कोई
kuchh is tarah se tasavvur meñ aa rahā hai koī
charāġh ruuh meñ jaise jalā rahā hai koī
koī kalīm uThe varna intizār ke ba.ad
charāġh-e-tūr-e-mohabbat bujhā rahā hai koī
vo dair kā thā ki ka.abe kā ye nahīñ ma.alūm
mirī ḳhudī kā muhāfiz ḳhudā rahā hai koī
jo roknā ho to aa baḌh ke rok le varna
tire hudūd-e-taġhāful se jā rahā hai koī
ravāñ-davāñ nahīñ be-vaj.h kārvān-e-hayāt
mujhe zarūr kahīñ se bulā rahā hai koī
badal rahe haiñ jujūn-o-ḳhirad ke paimāne
kis ehtimām-e-taġhayyur se aa rahā hai koī
na kuchh malāl-e-asīrī na ḳhatra-e-sayyād
qafas samajh ke nasheman banā rahā hai koī
zamīn-o-charḳh ne inkār kar diyā jis se
vo baar dosh-e-vafā par uThā rahā hai koī
jahān-e-nau meñ ba-rañg-e-kashākash-e-paiham
hayāt-e-nau ke salīqe sikhā rahā hai koī
ḳhabar karo ye haqā.eq ke pāsbānoñ ko
majāz kho ke haqīqat meñ aa rahā hai koī
na jaane kaun sī manzil meñ ishq hai ki mujhe
mire hudūd se bāhar bulā rahā hai koī
Daro ḳhudā se baḌā bol bolne vaalo
qarīb ham se bhī be-intihā rahā hai koī
mujhe sitam meñ izāfe kā ġham nahīñ lekin
yaqīn kar ki mire ba.ad aa rahā hai koī
nigāh-o-lab meñ hañsī kī sakat nahīñ lekin
ba-jabr-e-ishq-o-vafā muskurā rahā hai koī
ye sub.h-o-shām kī yūrish ye mausamoñ kī ravish
ki jaise mere ta.āqub meñ aa rahā hai koī
kisī ko is kī ḳhabar hī nahīñ thī kuchh 'ehsān'
ki miT ke apnā zamāna banā rahā hai koī
کچھ اس طرح سے تصور میں آ رہا ہے کوئی
چراغ روح میں جیسے جلا رہا ہے کوئی
کوئی کلیم اٹھے ورنہ انتظار کے بعد
چراغ طورمحبت بجھا رہا ہے کوئی
وہ دیر کا تھا کہ کعبے کا یہ نہیں معلوم
مری خودی کا محافظ خدا رہا ہے کوئی
جو روکنا ہو تو آ بڑھ کے روک لے ورنہ
ترے حدود تغافل سے جا رہا ہے کوئی
رواں دواں نہیں بے وجہ کاروان حیات
مجھے ضرور کہیں سے بلا رہا ہے کوئی
بدل رہے ہیں جنون و خرد کے پیمانے
کس اہتمام تغیر سے آ رہا ہے کوئی
نہ کچھ ملال اسیری نہ خطرۂ صیاد
قفس سمجھ کے نشیمن بنا رہا ہے کوئی
زمین و چرخ نے انکار کر دیا جس سے
وہ بار دوش وفا پر اٹھا رہا ہے کوئی
جہان نو میں برنگ کشاکش پیہم
حیات نو کے سلیقے سکھا رہا ہے کوئی
خبر کرو یہ حقائق کے پاسبانوں کو
مجاز کھو کے حقیقت میں آ رہا ہے کوئی
نہ جانے کون سی منزل میں عشق ہے کہ مجھے
مرے حدود سے باہر بلا رہا ہے کوئی
ڈرو خدا سے بڑا بول بولنے والو
قریب ہم سے بھی بے انتہا رہا ہے کوئی
مجھے ستم میں اضافے کا غم نہیں لیکن
یقین کر کہ مرے بعد آ رہا ہے کوئی
نگاہ و لب میں ہنسی کی سکت نہیں لیکن
بہ جبر عشق و وفا مسکرا رہا ہے کوئی
یہ صبح و شام کی یورش یہ موسموں کی روش
کہ جیسے میرے تعاقب میں آ رہا ہے کوئی
کسی کو اس کی خبر ہی نہیں تھی کچھ احسانؔ
کہ مٹ کے اپنا زمانہ بنا رہا ہے کوئی