कोई तो इस का अहल हो ये जाम किस को दें
दो घूँट बच गई थी जो कल शाम किस को दें
इस अपनी दौड़-धूप का इल्ज़ाम किस को दें
तुझ को न दें तो गर्दिश-ए-अय्याम किस को दें
हमवार राह-ए-ज़ीस्त को करना तो है ज़रूर
हम से निपट न पाए तो ये काम किस को दें
सब ने घर अपने माल-ए-ग़नीमत से भर लिए
सब मुस्तहिक़ हैं इस के तो इनआ'म किस को दें
बर्बादी-ए-चमन में हमारा भी हाथ है
मुश्किल ये आ पड़ी है कि इल्ज़ाम किस को दें
तुझ को ख़ुदा समझ के कहा था ख़ुदा मगर
अब है भला सा ये जो तिरा नाम किस को दें
सब ही हमारे यार हैं भाई हैं या अज़ीज़
आराम किस का छीन लें आराम किस को दें
'राहत' तमाम लोग भले हो गए उधर
लब पे जो आ चुकी है वो दुश्नाम किस को दें
koī to is kā ahl ho ye jaam kis ko deñ
do ghūñT bach ga.ī thī jo kal shaam kis ko deñ
is apnī dauḌ-dhūp kā ilzām kis ko deñ
tujh ko na deñ to gardish-e-ayyām kis ko deñ
hamvār rāh-e-zīst ko karnā to hai zarūr
ham se nipaT na paa.e to ye kaam kis ko deñ
sab ne ghar apne māl-e-ġhanīmat se bhar liye
sab mustahiq haiñ is ke to in.aam kis ko deñ
barbādī-e-chaman meñ hamārā bhī haath hai
mushkil ye aa paḌī hai ki ilzām kis ko deñ
tujh ko ḳhudā samajh ke kahā thā ḳhudā magar
ab hai bhalā sā ye jo tirā naam kis ko deñ
sab hī hamāre yaar haiñ bhaa.ī haiñ yā aziiz
ārām kis kā chhīn leñ ārām kis ko deñ
'rāhat' tamām log bhale ho ga.e udhar
lab pe jo aa chukī hai vo dushnām kis ko deñ
کوئی تو اس کا اہل ہو یہ جام کس کو دیں
دو گھونٹ بچ گئی تھی جو کل شام کس کو دیں
اس اپنی دوڑ دھوپ کا الزام کس کو دیں
تجھ کو نہ دیں تو گردش ایام کس کو دیں
ہموار راہ زیست کو کرنا تو ہے ضرور
ہم سے نپٹ نہ پائے تو یہ کام کس کو دیں
سب نے گھر اپنے مال غنیمت سے بھر لیے
سب مستحق ہیں اس کے تو انعام کس کو دیں
بربادیٔ چمن میں ہمارا بھی ہاتھ ہے
مشکل یہ آ پڑی ہے کہ الزام کس کو دیں
تجھ کو خدا سمجھ کے کہا تھا خدا مگر
اب ہے بھلا سا یہ جو ترا نام کس کو دیں
سب ہی ہمارے یار ہیں بھائی ہیں یا عزیز
آرام کس کا چھین لیں آرام کس کو دیں
راحتؔ تمام لوگ بھلے ہو گئے ادھر
لب پہ جو آ چکی ہے وہ دشنام کس کو دیں