कोई तितली नहीं बताती है
तेरी ख़ुश्बू कहाँ से आती है
क्या हुआ धूप अगर सताती है
चाँदनी भी यही बनाती है
एक बीमार आरज़ू दिल में
रोज़ बन-ठन के बैठ जाती है
ये मोहब्बत का मय-कदा है यहाँ
प्यास ही प्यास को बुझाती है
अब नहीं चौंकता हूँ मैं घर में
सारे पर्दे हवा हिलाती है
मेरे कमरे में अब बजाए मेरे
तेरी तस्वीर मुस्कुराती है
शिकवा-ए-हिज्र पर वो ये बोले
'ईद रोज़ों के बा'द आती है
ज़ब्त से पेट जब नहीं भरता
तो ग़रीबी उसूल खाती है
उस मकाँ का चराग़ हूँ 'फ़हमी'
जिस की झाड़ू हवा लगाती है
koī titlī nahīñ batātī hai
terī ḳhushbū kahāñ se aatī hai
kyā huā dhuup agar satātī hai
chāñdnī bhī yahī banātī hai
ek bīmār aarzū dil meñ
roz ban-Than ke baiTh jaatī hai
ye mohabbat kā mai-kada hai yahāñ
pyaas hī pyaas ko bujhātī hai
ab nahīñ chauñktā huuñ maiñ ghar meñ
saare parde havā hilātī hai
mere kamre meñ ab bajā.e mere
terī tasvīr muskurātī hai
shikva-e-hijr par vo ye bole
'iid rozoñ ke baa'd aatī hai
zabt se peT jab nahīñ bhartā
to ġharībī usuul khātī hai
us makāñ kā charāġh huuñ 'fahmī'
jis kī jhāḌū havā lagātī hai
کوئی تتلی نہیں بتاتی ہے
تیری خوشبو کہاں سے آتی ہے
کیا ہوا دھوپ اگر ستاتی ہے
چاندنی بھی یہی بناتی ہے
ایک بیمار آرزو دل میں
روز بن ٹھن کے بیٹھ جاتی ہے
یہ محبت کا مے کدہ ہے یہاں
پیاس ہی پیاس کو بجھاتی ہے
اب نہیں چونکتا ہوں میں گھر میں
سارے پردے ہوا ہلاتی ہے
میرے کمرے میں اب بجائے میرے
تیری تصویر مسکراتی ہے
شکوۂ ہجر پر وہ یہ بولے
عید روزوں کے بعد آتی ہے
ضبط سے پیٹ جب نہیں بھرتا
تو غریبی اصول کھاتی ہے
اس مکاں کا چراغ ہوں فہمیؔ
جس کی جھاڑو ہوا لگاتی ہے