कोई मलाल हूँ दुख हूँ बताओ क्या हूँ मैं
दिनों के बा'द किसी शख़्स को दिखा हूँ मैं
ये कौन पालता फिरता है हिज्र का आसेब
मुझे बताया गया था कि मर चुका हूँ मैं
जिगर के हाथ लपकते हैं आँख की जानिब
कुछ ऐसी तर्ज़ से गिर्या-कुनाँ हुआ हूँ मैं
कभी कभी मिरी आँखें जवाब देती हैं
कभी कभी तुझे इतना सवालता हूँ मैं
किसी के अश्क मिरे गाल छू के गिरते थे
किसी के क़ुर्ब में इतना भी रह चुका हूँ मैं
तुम्हारा हिज्र मिरे साथ रहना चाहता है
उसे बताओ कि इस से बहुत बड़ा हूँ मैं
बहिश्त फेंक चुकी है ज़मीन पर मुझ को
ख़ुदा का शुक्र तुझे रास आ गया हूँ मैं
koī malāl huuñ dukh huuñ batāo kyā huuñ maiñ
dinoñ ke ba.ad kisī shaḳhs ko dikhā huuñ maiñ
ye kaun pāltā phirtā hai hijr kā aaseb
mujhe batāyā gayā thā ki mar chukā huuñ maiñ
jigar ke haath lapakte haiñ aañkh kī jānib
kuchh aisī tarz se girya-kunāñ huā huuñ maiñ
kabhī kabhī mirī āñkheñ javāb detī haiñ
kabhī kabhī tujhe itnā savāltā huuñ maiñ
kisī ke ashk mire gaal chhū ke girte the
kisī ke qurb meñ itnā bhī rah chukā huuñ maiñ
tumhārā hijr mire saath rahnā chāhtā hai
use batāo ki is se bahut baḌā huuñ maiñ
bahisht pheñk chukī hai zamīn par mujh ko
ḳhudā kā shukr tujhe raas aa gayā huuñ maiñ
کوئی ملال ہوں دکھ ہوں بتاؤ کیا ہوں میں
دنوں کے بعد کسی شخص کو دکھا ہوں میں
یہ کون پالتا پھرتا ہے ہجر کا آسیب
مجھے بتایا گیا تھا کہ مر چکا ہوں میں
جگر کے ہاتھ لپکتے ہیں آنکھ کی جانب
کچھ ایسی طرز سے گریہ کناں ہوا ہوں میں
کبھی کبھی مری آنکھیں جواب دیتی ہیں
کبھی کبھی تجھے اتنا سوالتا ہوں میں
کسی کے اشک مرے گال چھو کے گرتے تھے
کسی کے قرب میں اتنا بھی رہ چکا ہوں میں
تمہارا ہجر مرے ساتھ رہنا چاہتا ہے
اسے بتاؤ کہ اس سے بہت بڑا ہوں میں
بہشت پھینک چکی ہے زمین پر مجھ کو
خدا کا شکر تجھے راس آ گیا ہوں میں