कोई धुन हो मैं तिरे गीत ही गाए जाऊँ
दर्द सीने में उठे शोर मचाए जाऊँ
ख़्वाब बन कर तू बरसता रहे शबनम शबनम
और बस मैं इसी मौसम में नहाए जाऊँ
तेरे ही रंग उतरते चले जाएँ मुझ में
ख़ुद को लिक्खूँ तिरी तस्वीर बनाए जाऊँ
जिस को मिलना नहीं फिर उस से मोहब्बत कैसी
सोचता जाऊँ मगर दिल में बसाए जाऊँ
अब तू उस की हुई जिस पे मुझे प्यार आता है
ज़िंदगी आ तुझे सीने से लगाए जाऊँ
यही चेहरे मिरे होने की गवाही देंगे
हर नए हर्फ़ में जाँ अपनी समाए जाऊँ
जान तो चीज़ है क्या रिश्ता-ए-जाँ से आगे
कोई आवाज़ दिए जाए मैं आए जाऊँ
शायद इस राह पे कुछ और भी राही आएँ
धूप में चलता रहूँ साए बिछाए जाऊँ
अहल-ए-दिल होंगे तो समझेंगे सुख़न को मेरे
बज़्म में आ ही गया हूँ तो सुनाए जाऊँ
koī dhun ho maiñ tire giit hī gaa.e jā.ūñ
dard siine meñ uThe shor machā.e jā.ūñ
ḳhvāb ban kar tū barastā rahe shabnam shabnam
aur bas maiñ isī mausam meñ nahā.e jā.ūñ
tere hī rañg utarte chale jaa.eñ mujh meñ
ḳhud ko likkhūñ tirī tasvīr banā.e jā.ūñ
jis ko milnā nahīñ phir us se mohabbat kaisī
sochtā jā.ūñ magar dil meñ basā.e jā.ūñ
ab tū us kī huī jis pe mujhe pyaar aatā hai
zindagī aa tujhe siine se lagā.e jā.ūñ
yahī chehre mire hone kī gavāhī deñge
har na.e harf meñ jaañ apnī samā.e jā.ūñ
jaan to chiiz hai kyā rishta-e-jāñ se aage
koī āvāz diye jaa.e maiñ aa.e jā.ūñ
shāyad is raah pe kuchh aur bhī raahī aa.eñ
dhuup meñ chaltā rahūñ saa.e bichhā.e jā.ūñ
ahl-e-dil hoñge to samjheñge suḳhan ko mere
bazm meñ aa hī gayā huuñ to sunā.e jā.ūñ
کوئی دھن ہو میں ترے گیت ہی گائے جاؤں
درد سینے میں اٹھے شور مچائے جاؤں
خواب بن کر تو برستا رہے شبنم شبنم
اور بس میں اسی موسم میں نہائے جاؤں
تیرے ہی رنگ اترتے چلے جائیں مجھ میں
خود کو لکھوں تری تصویر بنائے جاؤں
جس کو ملنا نہیں پھر اس سے محبت کیسی
سوچتا جاؤں مگر دل میں بسائے جاؤں
اب تو اس کی ہوئی جس پہ مجھے پیار آتا ہے
زندگی آ تجھے سینے سے لگائے جاؤں
یہی چہرے مرے ہونے کی گواہی دیں گے
ہر نئے حرف میں جاں اپنی سمائے جاؤں
جان تو چیز ہے کیا رشتۂ جاں سے آگے
کوئی آواز دئیے جائے میں آئے جاؤں
شاید اس راہ پہ کچھ اور بھی راہی آئیں
دھوپ میں چلتا رہوں سائے بچھائے جاؤں
اہل دل ہوں گے تو سمجھیں گے سخن کو میرے
بزم میں آ ہی گیا ہوں تو سنائے جاؤں