कोई दरवाज़े पे बैठा नहीं देखा जाता
क्या तिरे शह्र में रस्ता नहीं देखा जाता
ऊब जाते हैं तमाशे से तमाशाई सब
फिर भी गिरता हुआ पर्दा नहीं देखा जाता
याद आ जाता है आकाश से रिश्ता अपना
घर का टूटा हुआ ज़ीना नहीं देखा जाता
दस्तकें देने को ये हाथ तड़प उठते हैं
उस के दरवाज़े पे ताला नहीं देखा जाता
वो सफ़र सिर्फ़ जनाज़े का सफ़र होता है
जिस में अपना या पराया नहीं देखा जाता
आँख हर शख़्स को तस्वीर का इमला बोले
एक ही शख़्स को इतना नहीं देखा जाता
जो भी दिल में है वो काग़ज़ पे बना दो यारो
आज के दौर में चेहरा नहीं देखा जाता
koī darvāze pe baiThā nahīñ dekhā jaatā
kyā tire shahr meñ rasta nahīñ dekhā jaatā
uub jaate haiñ tamāshe se tamāshā.ī sab
phir bhī girtā huā parda nahīñ dekhā jaatā
yaad aa jaatā hai ākāsh se rishta apnā
ghar kā TuuTā huā ziina nahīñ dekhā jaatā
dastakeñ dene ko ye haath taḌap uThte haiñ
us ke darvāze pe taalā nahīñ dekhā jaatā
vo safar sirf janāze kā safar hotā hai
jis meñ apnā yā parāyā nahīñ dekhā jaatā
aañkh har shaḳhs ko tasvīr kā imlā bole
ek hī shaḳhs ko itnā nahīñ dekhā jaatā
jo bhī dil meñ hai vo kāġhaz pe banā do yaaro
aaj ke daur meñ chehra nahīñ dekhā jaatā
کوئی دروازے پہ بیٹھا نہیں دیکھا جاتا
کیا ترے شہر میں رستہ نہیں دیکھا جاتا
اوب جاتے ہیں تماشے سے تماشائی سب
پھر بھی گرتا ہوا پردہ نہیں دیکھا جاتا
یاد آ جاتا ہے آکاش سے رشتہ اپنا
گھر کا ٹوٹا ہوا زینہ نہیں دیکھا جاتا
دستکیں دینے کو یہ ہاتھ تڑپ اٹھتے ہیں
اس کے دروازے پہ تالا نہیں دیکھا جاتا
وہ سفر صرف جنازے کا سفر ہوتا ہے
جس میں اپنا یا پرایا نہیں دیکھا جاتا
آنکھ ہر شخص کو تصویر کا املا بولے
ایک ہی شخص کو اتنا نہیں دیکھا جاتا
جو بھی دل میں ہے وہ کاغذ پہ بنا دو یارو
آج کے دور میں چہرہ نہیں دیکھا جاتا