किसी की जुब्बा-साई से कभी घिसता नहीं पत्थर
वो चौखट मोम की चौखट है या मेरी जबीं पत्थर
खुला अब रखते हैं पहलू मैं पिन्हाँ नाज़नीं पत्थर
न था मालूम हैं क़ल्ब-ए-बुतान-ओ-मह-जबीं पत्थर
बिठाया ख़ातम-ए-इज़्ज़त पे तेरे नाम-ए-नामी ने
वगर्ना है ये ज़ाहिर था हक़ीक़त में नगीं पत्थर
दिखाए फिर न क्यूँ तासीर अपनी जज़्ब-ए-रूहानी
यक़ीं हो जाए जब हाजत-रवा है बिल-यक़ीं पत्थर
तलाश-ए-यार में क्या ख़ार दामन-गीर हिम्मत हों
हुए नादिम मिले जब सद्द-ए-रह बन कर कहीं पत्थर
जो मैं ऐ कोह-कन दूँ जान-ए-शीरीं इश्क़-ए-शीरीं में
तो दिखलाए बजाए शीर जू-ए-आबगीं पत्थर
गिरा दूँ फ़ैज़-ए-एजाज़-ए-नुबुव्वत से वो मोमिन हूँ
छुपाएँ फिर मुख़ालिफ़ गर म्यान-ए-आस्तीं पत्थर
पस-ए-मुर्दन रहे क़ल्ब-ओ-जिगर में गर यही सोज़िश
तो लौह-ए-संग-ए-मरमर होगी अज़ ख़ुद आतिशीं पत्थर
ये कहता है किसी ना-मेहरबाँ का मेहरबाँ होना
पसीजेंगे तिरी गर्मी से आह-ए-आतिशीं पत्थर
गिरीं हर संग-दिल पर बिजलियाँ ऐसी हवादिस की
कि देते हैं गवाही तेरी आह-ए-आतिशीं पत्थर
'हबीब' आए कहाँ से ताज़गी नख़्ल-ए-मज़ामीं में
जहाँ तक देखिए है यक-क़लम ये गुल-ज़मीं पत्थर
kisī kī jubba-sā.ī se kabhī ghistā nahīñ patthar
vo chaukhaT mom kī chaukhaT hai yā merī jabīñ patthar
khulā ab rakhte haiñ pahlū maiñ pinhāñ nāznīñ patthar
na thā ma.alūm haiñ qalb-e-butān-o-mah-jabīñ patthar
biThāyā ḳhātam-e-izzat pe tere nām-e-nāmī ne
vagarna hai ye zāhir thā haqīqat meñ nagīñ patthar
dikhā.e phir na kyuuñ tāsīr apnī jazb-e-rūhānī
yaqīñ ho jaa.e jab hājat-ravā hai bil-yaqīñ patthar
talāsh-e-yār meñ kyā ḳhaar dāman-gīr himmat hoñ
hue nādim mile jab sadd-e-rah ban kar kahīñ patthar
jo maiñ ai koh-kan duuñ jān-e-shīrīñ ishq-e-shīrīñ meñ
to dikhlā.e bajā.e shiir jū-e-ābgīñ patthar
girā duuñ faiz-e-e.ajāz-e-nubuvvat se vo momin huuñ
chhupā.eñ phir muḳhālif gar myān-e-āstīñ patthar
pas-e-murdan rahe qalb-o-jigar meñ gar yahī sozish
to lauh-e-sañg-e-marmar hogī az ḳhud ātishīñ patthar
ye kahtā hai kisī nā-mehrbāñ kā mehrbāñ honā
pasījeñge tirī garmī se āh-e-ātishīñ patthar
girīñ har sañg-dil par bijliyāñ aisī havādis kī
ki dete haiñ gavāhī terī āh-e-ātishīñ patthar
'habīb' aa.e kahāñ se tāzgī naḳhl-e-mazāmīñ meñ
jahāñ tak dekhiye hai yak-qalam ye gul-zamīñ patthar
کسی کی جبہ سائی سے کبھی گھستا نہیں پتھر
وہ چوکھٹ موم کی چوکھٹ ہے یا میری جبیں پتھر
کھلا اب رکھتے ہیں پہلو میں پنہاں نازنیں پتھر
نہ تھا معلوم ہیں قلب بتان و مہ جبیں پتھر
بٹھایا خاتم عزت پہ تیرے نام نامی نے
وگرنہ ہے یہ ظاہر تھا حقیقت میں نگیں پتھر
دکھائے پھر نہ کیوں تاثیر اپنی جذب روحانی
یقیں ہو جائے جب حاجت روا ہے بالیقیں پتھر
تلاش یار میں کیا خار دامن گیر ہمت ہوں
ہوئے نادم ملے جب سد رہ بن کر کہیں پتھر
جو میں اے کوہکن دوں جان شیریں عشق شیریں میں
تو دکھلائے بجائے شیر جوئے آبگیں ادائیوں پتھر
گرا دوں فیض اعجاز نبوت سے وہ مومن ہوں
چھپائیں پھر مخالف گر میان آستیں پتھر
پس مردن رہے قلب و جگر میں گر یہی سوزش
تو لوح سنگ مرمر ہوگی از خود آتشیں پتھر
یہ کہتا ہے کسی نا مہرباں کا مہرباں ہونا
پسیجیں گے تری گرمی سے آہ آتشیں پتھر
گریں ہر سنگ دل پر بجلیاں ایسی حوادث کی
کہ دیتے ہیں گواہی تیری آہ آتشیں پتھر
حبیبؔ آئے کہاں سے تازگی نخل مضامیں میں
جہاں تک دیکھیے ہے یک قلم یہ گل زمیں پتھر