किसी का नाम लो बे-नाम अफ़्साने बहुत से हैं
न जाने किस को तुम कहते हो दीवाने बहुत से हैं
जफ़ाओं के गिले तुम से ख़ुदा जाने बहुत से हैं
मगर महशर का दिन है अपने बेगाने बहुत से हैं
बनाए दे रही हैं अजनबी नादारियाँ मुझ को
तिरी महफ़िल में वर्ना जाने-पहचाने बहुत से हैं
धरी रह जाएगी पाबंदी-ए-ज़िंदाँ जो अब छेड़ा
ये दरबानों को समझा दो कि दीवाने बहुत से हैं
बस अब सो जाओ नींद आँखों में है कल फिर सुनाएँगे
ज़रा सी रह गई है रात अफ़्साने बहुत से हैं
तुम्हें किस ने बुलाया मय-कशों से ये न कह साक़ी
तबीअ'त मिल गई है वर्ना मयख़ाने बहुत से हैं
बड़ी क़ुर्बानियों के बा'द रहना बाग़ में होगा
अभी तो आशियाँ बिजली से जलवाने बहुत से हैं
लिखी है ख़ाक उड़ानी ही अगर अपने मुक़द्दर में
तिरे कूचे पे क्या मौक़ूफ़ वीराने बहुत से हैं
न रो ऐ शम्अ' मौजूदा पतंगों की मुसीबत पर
अभी महफ़िल से बाहर तेरे परवाने बहुत से हैं
मिरे कहने से होगी तर्क-ए-रस्म-ओ-राह ग़ैरों से
बजा है आप ने कहने मिरे माने बहुत से हैं
'क़मर' अल्लाह साथ ईमान के मंज़िल पे पहुँचा दे
हरम की राह में सुनते हैं बुत-ख़ाने बहुत से हैं
kisī kā naam lo be-nām afsāne bahut se haiñ
na jaane kis ko tum kahte ho dīvāne bahut se haiñ
jafāoñ ke gile tum se ḳhudā jaane bahut se haiñ
magar mahshar kā din hai apne begāne bahut se haiñ
banā.e de rahī haiñ ajnabī nādāriyāñ mujh ko
tirī mahfil meñ varna jāne-pahchāne bahut se haiñ
dharī rah jā.egī pābandī-e-zindāñ jo ab chheḌā
ye darbānoñ ko samjhā do ki dīvāne bahut se haiñ
bas ab so jaao niiñd āñkhoñ meñ hai kal phir sunā.eñge
zarā sī rah ga.ī hai raat afsāne bahut se haiñ
tumheñ kis ne bulāyā mai-kashoñ se ye na kah saaqī
tabī.at mil ga.ī hai varna maiḳhāne bahut se haiñ
baḌī qurbāniyoñ ke ba.ad rahnā baaġh meñ hogā
abhī to āshiyāñ bijlī se jalvāne bahut se haiñ
likhī hai ḳhaak uḌānī hī agar apne muqaddar meñ
tire kūche pe kyā mauqūf vīrāne bahut se haiñ
na ro ai sham.a maujūda patañgoñ kī musībat par
abhī mahfil se bāhar tere parvāne bahut se haiñ
mire kahne se hogī tark-e-rasm-o-rāh ġhairoñ se
bajā hai aap ne kahne mire maane bahut se haiñ
'qamar' allāh saath īmān ke manzil pe pahuñchā de
haram kī raah meñ sunte haiñ but-ḳhāne bahut se haiñ
کسی کا نام لو بے نام افسانے بہت سے ہیں
نہ جانے کس کو تم کہتے ہو دیوانے بہت سے ہیں
جفاؤں کے گلے تم سے خدا جانے بہت سے ہیں
مگر محشر کا دن ہے اپنے بیگانے بہت سے ہیں
بنائے دے رہی ہیں اجنبی ناداریاں مجھ کو
تری محفل میں ورنہ جانے پہچانے بہت سے ہیں
دھری رہ جائے گی پابندیٔ زنداں جو اب چھیڑا
یہ دربانوں کو سمجھا دو کہ دیوانے بہت سے ہیں
بس اب سو جاؤ نیند آنکھوں میں ہے کل پھر سنائیں گے
ذرا سی رہ گئی ہے رات افسانے بہت سے ہیں
تمہیں کس نے بلایا میکشوں سے یہ نہ کہہ ساقی
طبیعت مل گئی ہے ورنہ میخانے بہت سے ہیں
بڑی قربانیوں کے بعد رہنا باغ میں ہوگا
ابھی تو آشیاں بجلی سے جلوانے بہت سے ہیں
لکھی ہے خاک اڑانی ہی اگر اپنے مقدر میں
ترے کوچے پہ کیا موقوف ویرانے بہت سے ہیں
نہ رو اے شمع موجودہ پتنگوں کی مصیبت پر
ابھی محفل سے باہر تیرے پروانے بہت سے ہیں
مرے کہنے سے ہوگی ترک رسم و راہ غیروں سے
بجا ہے آپ نے کہنے مرے مانے بہت سے ہیں
قمرؔ اللہ ساتھ ایمان کے منزل پہ پہنچا دے
حرم کی راہ میں سنتے ہیں بت خانے بہت سے ہیں