किसी का हाथ दामन पर किसी का सर गरेबाँ में
ये दीवाने भी गुल-छर्रे उड़ाते हैं बयाबाँ में
समा कर रह गया हर उन का जल्वा क़ल्ब-ए-सोज़ाँ में
कहाँ से इतनी वुसअ'त आ गई इस तंग-दामाँ में
सलीक़ा ख़ाक उड़ाने का बड़ी मुश्किल से आता है
बगूले सर पटक कर रह गए आख़िर बयाबाँ में
हँसी कलियों के लब पर है क़बा-ए-गुल के टुकड़े हैं
सभी पर छा गई दीवानगी अब के गुलिस्ताँ में
क़रीब आया ज़माना जब भी अहद-ए-गुल की रुख़्सत का
उलझ कर रह गया दस्त-ए-जुनूँ तार-ए-गरेबाँ में
सुवैदा बुत-कदा है दिल हरम नज़रें पुजारी हैं
यहाँ तफ़रीक़ भी कुछ है तो ये है कुफ़्र-ओ-ईमाँ में
इक़ामत के लिए क्या वुसअ'त-ए-कौनैन कुछ कम थी
अबस अंगड़ाई ली तुम ने दिल-ए-नज़्ज़ारा-सामाँ में
जो आँखों से लगाए गुल तो काँटे रख लिए दिल में
मुझे दोनों ही से 'क़ैसर' इलाक़ा था गुलिस्ताँ में
kisī kā haath dāman par kisī kā sar garebāñ meñ
ye dīvāne bhī gul-chharre uḌāte haiñ bayābāñ meñ
samā kar rah gayā har un kā jalva qalb-e-sozāñ meñ
kahāñ se itnī vus.at aa ga.ī is tañg-dāmāñ meñ
salīqa ḳhaak uḌāne kā baḌī mushkil se aatā hai
bagūle sar paTak kar rah ga.e āḳhir bayābāñ meñ
hañsī kaliyoñ ke lab par hai qabā-e-gul ke TukḌe haiñ
sabhī par chhā ga.ī dīvāngī ab ke gulistāñ meñ
qarīb aayā zamāna jab bhī ahd-e-gul kī ruḳhsat kā
ulajh kar rah gayā dast-e-junūñ tār-e-garebāñ meñ
suvaidā but-kada hai dil haram nazreñ pujārī haiñ
yahāñ tafrīq bhī kuchh hai to ye hai kufr-o-īmāñ meñ
iqāmat ke liye kyā vus.at-e-kaunain kuchh kam thī
abas añgḌā.ī lī tum ne dil-e-nazzāra-sāmāñ meñ
jo āñkhoñ se lagā.e gul to kāñTe rakh liye dil meñ
mujhe donoñ hī se 'qaisar' ilāqa thā gulistāñ meñ
کسی کا ہاتھ دامن پر کسی کا سر گریباں میں
یہ دیوانے بھی گل چھرے اڑاتے ہیں بیاباں میں
سما کر رہ گیا ہر ان کا جلوہ قلب سوزاں میں
کہاں سے اتنی وسعت آ گئی اس تنگ داماں میں
سلیقہ خاک اڑانے کا بڑی مشکل سے آتا ہے
بگولے سر پٹک کر رہ گئے آخر بیاباں میں
ہنسی کلیوں کے لب پر ہے قبائے گل کے ٹکڑے ہیں
سبھی پر چھا گئی دیوانگی اب کے گلستاں میں
قریب آیا زمانہ جب بھی عہد گل کی رخصت کا
الجھ کر رہ گیا دست جنوں تار گریباں میں
سویدا بت کدہ ہے دل حرم نظریں پجاری ہیں
یہاں تفریق بھی کچھ ہے تو یہ ہے کفر و ایماں میں
اقامت کے لیے کیا وسعت کونین کچھ کم تھی
عبث انگڑائی لی تم نے دل نظارہ ساماں میں
جو آنکھوں سے لگائے گل تو کانٹے رکھ لئے دل میں
مجھے دونوں ہی سے قیصرؔ علاقہ تھا گلستاں میں