किस लिए दश्त में घर कोई बनाया जाए
पास क्या है जो फ़सीलों में छुपाया जाए
मैं जज़ीरा हूँ मिरी प्यास बुझाने के लिए
इक समंदर मिरे अतराफ़ बिछाया जाए
किसी सहरा में बहा जाए नदी की सूरत
अब्र बन कर किसी कोहसार पे छाया जाए
रोज़ चटके किसी उम्मीद का ग़ुंचा दिल में
रोज़ पलकों पे कोई ख़्वाब सजाया जाए
दुख से जलते हुए इस दौर में जीने से बड़ा
मो'जिज़ा कौनसा दुनिया को दिखाया जाए
बात क्या है कि ब-ईं-ख़्वारी-ओ-आशुफ़्ता-दिली
छोड़ कर हम से तिरा शहर न जाया जाए
रौशनी हूँ तो कहा जाए चराग़-ए-मंज़िल
संग हूँ तो मुझे रस्ते से हटाया जाए
पूछते रहते हैं ये लोग न जाने क्या क्या
हम से तो नाम भी अपना न बताया जाए
रह गई है यही इक हम-सफ़री की सूरत
बोझ हो ख़्वाह किसी का भी उठाया जाए
हाए ये धूप मचाता हुआ सावन जिस से
किसी चट्टान पे सब्ज़ा न उगाया जाए
आज मर जाऊँ अगर मैं तो 'अजब क्या 'ख़ावर'
सौ बरस बा'द मिरा सोग मनाया जाए
kis liye dasht meñ ghar koī banāyā jaa.e
paas kyā hai jo fasīloñ meñ chhupāyā jaa.e
maiñ jazīra huuñ mirī pyaas bujhāne ke liye
ik samundar mire atrāf bichhāyā jaa.e
kisī sahrā meñ bahā jaa.e nadī kī sūrat
abr ban kar kisī kohsār pe chhāyā jaa.e
roz chaTke kisī ummīd kā ġhuncha dil meñ
roz palkoñ pe koī ḳhvāb sajāyā jaa.e
dukh se jalte hue is daur meñ jiine se baḌā
mo'jiza kaunsā duniyā ko dikhāyā jaa.e
baat kyā hai ki ba-īñ-ḳhvārī-o-āshufta-dilī
chhoḌ kar ham se tirā shahr na jaayā jaa.e
raushnī huuñ to kahā jaa.e charāġh-e-manzil
sang huuñ to mujhe raste se haTāyā jaa.e
pūchhte rahte haiñ ye log na jaane kyā kyā
ham se to naam bhī apnā na batāyā jaa.e
rah ga.ī hai yahī ik ham-safarī kī sūrat
bojh ho ḳhvāh kisī kā bhī uThāyā jaa.e
haa.e ye dhuup machātā huā sāvan jis se
kisī chaTTān pe sabza na ugāyā jaa.e
aaj mar jā.ūñ agar maiñ to 'ajab kyā 'ḳhāvar'
sau baras baa'd mirā sog manāyā jaa.e
کس لیے دشت میں گھر کوئی بنایا جائے
پاس کیا ہے جو فصیلوں میں چھپایا جائے
میں جزیرہ ہوں مری پیاس بجھانے کے لیے
اک سمندر مرے اطراف بچھایا جائے
کسی صحرا میں بہا جائے ندی کی صورت
ابر بن کر کسی کہسار پہ چھایا جائے
روز چٹکے کسی امید کا غنچہ دل میں
روز پلکوں پہ کوئی خواب سجایا جائے
دکھ سے جلتے ہوئے اس دور میں جینے سے بڑا
معجزہ کونسا دنیا کو دکھایا جائے
بات کیا ہے کہ بایں خواری و آشفتہ دلی
چھوڑ کر ہم سے ترا شہر نہ جایا جائے
روشنی ہوں تو کہا جائے چراغ منزل
سنگ ہوں تو مجھے رستے سے ہٹایا جائے
پوچھتے رہتے ہیں یہ لوگ نہ جانے کیا کیا
ہم سے تو نام بھی اپنا نہ بتایا جائے
رہ گئی ہے یہی اک ہم سفری کی صورت
بوجھ ہو خواہ کسی کا بھی اٹھایا جائے
ہائے یہ دھوپ مچاتا ہوا ساون جس سے
کسی چٹان پہ سبزہ نہ اگایا جائے
آج مر جاؤں اگر میں تو عجب کیا خاورؔ
سو برس بعد مرا سوگ منایا جائے