ख़ुद ही ये दर्द-ए-सर क़ुबूल किया
हर अज़ाब-ए-सफ़र क़ुबूल किया
कौन है जिस की खोज में हम ने
घूमना दर-ब-दर क़ुबूल किया
न तो मैं ही कहूँ न दिल मेरा
किस ने किस का असर क़ुबूल किया
घूमना कूचा-ए-मलामत में
हम ने क्या सोच कर क़ुबूल किया
हम ने दो दिन की ज़िंदगी के लिए
कितना लम्बा सफ़र क़ुबूल किया
मा'नी-ए-ज़ीस्त ही बदल देंगे
हम ने जीना अगर क़ुबूल किया
दीद की चाह में इन आँखों ने
हर फ़रेब-ए-नज़र क़ुबूल किया
इस इबादत के फ़र्ज़ को 'राहत'
मन नहीं था मगर क़ुबूल किया
ḳhud hī ye dard-e-sar qubūl kiyā
har azāb-e-safar qubūl kiyā
kaun hai jis kī khoj meñ ham ne
ghūmnā dar-ba-dar qubūl kiyā
na to maiñ hī kahūñ na dil merā
kis ne kis kā asar qubūl kiyā
ghūmnā kūcha-e-malāmat meñ
ham ne kyā soch kar qubūl kiyā
ham ne do din kī zindagī ke liye
kitnā lambā safar qubūl kiyā
ma.anī-e-zīst hī badal deñge
ham ne jiinā agar qubūl kiyā
diid kī chaah meñ in āñkhoñ ne
har fareb-e-nazar qubūl kiyā
is ibādat ke farz ko 'rāhat'
man nahīñ thā magar qubūl kiyā
خود ہی یہ درد سر قبول کیا
ہر عذاب سفر قبول کیا
کون ہے جس کی کھوج میں ہم نے
گھومنا در بدر قبول کیا
نہ تو میں ہی کہوں نہ دل میرا
کس نے کس کا اثر قبول کیا
گھومنا کوچۂ ملامت میں
ہم نے کیا سوچ کر قبول کیا
ہم نے دو دن کی زندگی کے لیے
کتنا لمبا سفر قبول کیا
معنیٔ زیست ہی بدل دیں گے
ہم نے جینا اگر قبول کیا
دید کی چاہ میں ان آنکھوں نے
ہر فریب نظر قبول کیا
اس عبادت کے فرض کو راحتؔ
من نہیں تھا مگر قبول کیا