खोए हुए सहरा तक ऐ बाद-ए-सबा जाना
वो ख़ाक-ए-जुनूँ मेरी आँखों से लगा जाना
अब तक कोई चिंगारी रह रह के चमकती है
ऐ क़ाफ़िला-ए-फ़र्दा ये राख उड़ा जाना
है दश्त-ए-तमन्ना में अब शाम का सन्नाटा
हाँ तेज़ क़दम रखते ऐ अहल-ए-वफ़ा जाना
हम नींद की चादर में लिपटे हुए चलते हैं
इस भेस में अब हम से मिलना हो तो आ जाना
आफ़ाक़ की सरहद पर साए से गुरेज़ाँ हैं
इन सोख़्ता-जानों को उस पार न था जाना
तुम दूर सफ़र कर के नज़दीक से लगते हो
अब पास बहुत आ के हम को न जगा जाना
क्या उस से शिकायत हो जिस शोख़ की 'आदत हो
कुछ बात दबा लेना कुछ आँख चुरा जाना
हम ज़िक्र-ए-गुल-ओ-बुलबुल करते हुए डरते हैं
अब सीख गया है वो हर बात का पा जाना
kho.e hue sahrā tak ai bād-e-sabā jaanā
vo ḳhāk-e-junūñ merī āñkhoñ se lagā jaanā
ab tak koī chingārī rah rah ke chamaktī hai
ai qāfila-e-fardā ye raakh uḌā jaanā
hai dasht-e-tamannā meñ ab shaam kā sannāTā
haañ tez qadam rakhte ai ahl-e-vafā jaanā
ham niiñd kī chādar meñ lipTe hue chalte haiñ
is bhes meñ ab ham se milnā ho to aa jaanā
āfāq kī sarhad par saa.e se gurezāñ haiñ
in soḳhta-jānoñ ko us paar na thā jaanā
tum duur safar kar ke nazdīk se lagte ho
ab paas bahut aa ke ham ko na jagā jaanā
kyā us se shikāyat ho jis shoḳh kī 'ādat ho
kuchh baat dabā lenā kuchh aañkh churā jaanā
ham zikr-e-gul-o-bulbul karte hue Darte haiñ
ab siikh gayā hai vo har baat kā pā jaanā
کھوئے ہوئے صحرا تک اے باد صبا جانا
وہ خاک جنوں میری آنکھوں سے لگا جانا
اب تک کوئی چنگاری رہ رہ کے چمکتی ہے
اے قافلۂ فردا یہ راکھ اڑا جانا
ہے دشت تمنا میں اب شام کا سناٹا
ہاں تیز قدم رکھتے اے اہل وفا جانا
ہم نیند کی چادر میں لپٹے ہوئے چلتے ہیں
اس بھیس میں اب ہم سے ملنا ہو تو آ جانا
آفاق کی سرحد پر سائے سے گریزاں ہیں
ان سوختہ جانوں کو اس پار نہ تھا جانا
تم دور سفر کر کے نزدیک سے لگتے ہو
اب پاس بہت آ کے ہم کو نہ جگا جانا
کیا اس سے شکایت ہو جس شوخ کی عادت ہو
کچھ بات دبا لینا کچھ آنکھ چرا جانا
ہم ذکر گل و بلبل کرتے ہوئے ڈرتے ہیں
اب سیکھ گیا ہے وہ ہر بات کا پا جانا